2 Mga Cronica 29:22 - Marahay na Bareta Biblia

²² Enot na binuno kan mga padi an mga baka, dangan an mga karnero saka an mga kordero; pakatapos, an dugo kan mga ini iwinirik ninda sa altar.

2 Mga Cronica 29:22 ပူးပေါင်းရင်းမြစ်များ

2 Mga Cronica 35:11

Pakabuno kan korderong Pangpaskwa, inanitan kan mga Levita an mga hayop mantang an dugo kaini iwinirik kan mga padi sa altar.

Levitico 1:5

Dangan bubunoon niya an hayop sa atubang nin Kagurangnan, asin an dugo kaiyan idodolot sa Kagurangnan kan mga pading aki ni Aaron. Iuula ninda an dugo sa apat na gilid kan altar na yaon sa may pintoan kan Tabernakulo.

Levitico 4:18

Dangan lalahidan niya nin dugo an mga sungay kan altar nin insenso na yaon sa laog kan Tabernakulo asin iuula niya an matatada kan dugo duman sa pamitisan kan altar na tinututongan kan mga atang na yaon sa pintoan kan Tabernakulo.

Levitico 4:34

Idodotdot kan padi an saiyang muro sa dugo kan hayop asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:7

Dangan lalahidan niya nin dugo an mga sungay kan altar nin insenso na yaon sa Tabernakulo. Pakatapos, iuula niya an natatadang dugo sa pamitisan kan altar na tinututongan kan mga atang na yaon sa may pintoan kan Tabernakulo.

Levitico 8:19

Binuno ni Moises an hayop dangan inula an dugo sa apat na gilid kan altar.

Levitico 8:24

Dangan linahidan man niya nin dugo an hikawan kan mga toong talinga kan mga aki ni Aaron, an tanggurangan kan mga toong kamot asin an tanggurangan kan saindang mga toong bitis. Pakatapos, inula ni Moises an natadang dugo sa apat na gilid kan altar.