2 Mga Cronica 29:21 - Marahay na Bareta Biblia

²¹ Nagdara sinda nin pitong torong baka, pitong karnero, pitong kordero saka pitong lalaking kanding bilang dolot para sa kasalan kan pamilya kan hade saka kan banwaan nin Juda, asin tanganing malinigan an Templo. Pinagbotan niya an mga padi, an mga kapagarakian ni Aaron, na idolot an mga hayop sa altar nin Kagurangnan.

2 Mga Cronica 29:21 ပူးပေါင်းရင်းမြစ်များ

1 Mga Cronica 15:26

Nag-atang sinda nin pitong torong baka asin pitong karnero tanganing tabangan nin Dios an mga Levita sa pagdara kan Kaban nin Tipan.

2 Mga Cronica 29:20

Tinipon tolos ni Hadeng Ezekias an mga opisyal kan syudad, dangan nagduman sinda gabos sa Templo.

Esdras 8:35

Kan panahon na idto, an gabos na nagbalik hale sa pagkatapokan nagdara nin mga tinutong na atang para sa Kagurangnan, an Dios nin Israel. Nagdolot sinda nin doseng torong baka para sa bilog na Israel, nubenta y seis na karnero asin setenta y syeteng kordero; nagdolot man sinda nin doseng kanding bilang dolot para sa kasalan. Ini gabos tinutong bilang mga sakripisyo para sa Kagurangnan.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Ezekiel 45:23

Aroaldaw, sa laog kan pitong aldaw kan pyesta, madolot siya nin pitong torilyong baka saka pitong karnero na gabos mayo nin kaninan, bilang mga tinutong na atang para sa Kagurangnan. Madolot man siya aroaldaw nin sarong lalaking kanding bilang dolot para sa kasalan.

Levitico 16:5

An komunidad nin Israel iyo an matao ki Aaron nin duwang lalaking kanding para sa dolot para sa kasalan, asin sarong lalaking karnero para sa tinutong na atang.

Mga Bilang 23:1

Sinabihan ni Balaam si Balak, “Ipatugdok mo ako digdi nin pitong altar, asin darahan mo ako nin pitong torong baka saka pitong lalaking karnero.”

Mga Bilang 23:14

Ipinag-iba niya si Balaam sa oma ni Zofim sa alitoktok kan Bukid nin Pisga. Nagpatugdok siya duman nin pitong altar asin nagdolot siya nin sarong torong baka saka sarong lalaking karnero sa lambang altar.

Mga Bilang 23:29

Nagsabi saiya si Balaam, “Igibo mo ako digdi nin pitong altar asin darahan mo ako nin pitong torong baka saka pitong lalaking karnero.”

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.