2 Mga Cronica 28:8 - Marahay na Bareta Biblia

⁸ Maski kahimanwa kan mga Israelita an mga taga Juda, binihag kan mga Israelita an dos syentos mil na mga babae saka mga aki dangan dinara sa Samaria, kaiba an dakul na sinamsam.

2 Mga Cronica 28:8 ပူးပေါင်းရင်းမြစ်များ

2 Mga Hade 6:22

Nagsimbag si Eliseo, “Dai mo sinda paggadanon. Gagadanon mo daw an mga nabihag mo sa ralaban? Tawe sinda nin pagkakan saka inomon, dangan pabalika sinda sa saindang hade.”

2 Mga Cronica 11:4

“Dai nindo pagsalakayon ni paglabanan an saindong mga tugang. Magpuli na kamo, huli ta kabotan ko an nangyari.” Nagkuyog sinda gabos sa pagboot nin Kagurangnan; nagpuruli sinda asin dai ninda linabanan si Jeroboam.

2 Mga Cronica 28:11

Dangoga nindo ako, papulia nindo an mga binihag nindong mga kadugo tanganing dai kamo padusahan nin Kagurangnan sa saiyang kaanggotan.”

2 Mga Cronica 28:7

Sarong soldados na an ngaran Zikri an guminadan ki Maaseias na aking lalaki ni Hadeng Ahaz, ki Asrikam na parapamahala kan palasyo asin ki Elkana na ikaduwa sa hade sa kapangyarihan.

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Mga Gibo 13:26

“Mga tugang, mga kapagarakian ni Abraham asin kamong mga may pakatakot sa Dios, sa sato ipinadara an mensaheng ini nin kaligtasan!

Mga Gibo 7:26

Sunod na aldaw, nakahiling siya nin duwang Israelita na nag-iiwal. Pinaghingowa niyang husayon sinda, kaya nagsabi siya, ‘Magtugang kamo; tadaw ta nag-iiwal kamo?’

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 28:41

Magkakaigwa kamo nin mga aking lalaki saka babae alagad dai sinda mapapasaindo huli ta mabibihag sinda sa gera.