2 Mga Cronica 28:25 - Marahay na Bareta Biblia

²⁵ Sa lambang syudad saka banwa nin Juda, nagtugdok siya nin paganong mga lugar na pagsasambahan, saen tututongon an mga insenso para sa mga dios-dios. Huli kaini, naanggot saiya an Kagurangnan, an Dios kan saiyang mga ginikanan.

2 Mga Cronica 28:25 ပူးပေါင်းရင်းမြစ်များ

2 Mga Hade 22:17

Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Cronica 28:24

Laen pa kaini, kinua niya an mga kagamitan sa Templo dangan saiyang pinarasa. Sinerahan niya an Templo asin nagtugdok siya nin mga altar sa lambang kanto nin Jerusalem.

2 Mga Cronica 28:26

An iba pang ginibo ni Hadeng Ahaz, poon sa kapinonan sagkod sa kataposan, gabos nasusurat sa An Kasaysayan kan mga Hade nin Juda asin nin Israel.

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 28:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

Isaias 14:28

Iyo ini an mensahe na ipinahayag kan taon na magadan si Hadeng Ahaz.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Ezekiel 16:24

sa gilid kan lambang dalan nagtugdok ka nin mga lugar na pagsasambahan sa mga dios-dios asin mga lugar nin pagdodorogan.