2 Mga Cronica 28:24 - Marahay na Bareta Biblia

²⁴ Laen pa kaini, kinua niya an mga kagamitan sa Templo dangan saiyang pinarasa. Sinerahan niya an Templo asin nagtugdok siya nin mga altar sa lambang kanto nin Jerusalem.

2 Mga Cronica 28:24 ပူးပေါင်းရင်းမြစ်များ

2 Mga Cronica 28:25

Sa lambang syudad saka banwa nin Juda, nagtugdok siya nin paganong mga lugar na pagsasambahan, saen tututongon an mga insenso para sa mga dios-dios. Huli kaini, naanggot saiya an Kagurangnan, an Dios kan saiyang mga ginikanan.

2 Mga Cronica 29:19

Ibinalik man nyamo saka kinonsagra an mga kagamitan na hinale ni Hadeng Ahaz kan bako na siyang maimbod sa Dios. Yaon an gabos na ini sa atubangan kan altar nin Kagurangnan.”

2 Mga Cronica 29:3

Kan enot na bulan nin paghahade ni Ezekias, binukasan niya an mga pintoan kan Templo asin saiyang ipinahirahay.

2 Mga Cronica 29:7

Sinerahan ninda an mga pintoan kan Templo, pinalsok an mga ilaw asin dai nagtutong nin insenso. Dai sinda nagdolot nin mga tinutong na atang sa Templo kan Dios nin Israel.

2 Mga Cronica 30:14

Kinua ninda an mga altar na ginamit sa Jerusalem sa pagdolot nin mga atang asin sa pagtutong nin insenso, dangan tinapok ninda ini gabos sa Kapantayan nin Kidron.

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Mga Gibo 17:16

Mantang naghahalat si Pablo ki Silas asin ki Timoteo duman sa Atenas, nahiling niya na pano nin mga idolo an syudad asin napurisaw siya.

Mga Gibo 17:23

Huli ta sa paglakaw-lakaw ko, namasdan ko an mga lugar na pinagsasambahan nindo asin nahiling ko man an sarong altar na may nasusurat nin siring, ‘Sa Dios na Dai Midbid.’ An Dios na ini na sinasamba nindo maski dai nindo midbid, iyo an Dios na irinurukyaw ko saindo.