2 Mga Cronica 28:19 - Marahay na Bareta Biblia

¹⁹ Pinadarahan kan Kagurangnan nin kasakitan an Juda huli ta linapas ni Hadeng Ahaz an mga deretso kan mga tawo asin dai siya nagin maimbod sa Kagurangnan.

2 Mga Cronica 28:19 ပူးပေါင်းရင်းမြစ်များ

Genesis 3:11

“Siisay an nagsabi saimo na huba ka?” an hapot nin Dios. “Nagkakan ka kan bunga kan kahoy na ipinapangalad ko?”

Genesis 3:7

Pakatapos nindang magkakan, nagkaigwa sinda nin pakasabot, asin naaraman ninda na sinda huba; kaya nagtahi sinda nin mga dahon kan higera dangan ginibo ninda ining pantahob sa saindang hawak.

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

2 Mga Cronica 21:2

Si Jehoram na aking lalaki ni Hadeng Jehosafat nin Juda igwa nin anom na tugang na lalaki. An mga ini iyo si Azarias, Jehiel, Zacarias, Azariahu, Miguel, asin Sefatias.

2 Mga Cronica 28:1

Beynteng taon an edad ni Ahaz kan siya magin hade, asin dyes y seis na taon siyang naghade sa Jerusalem. Dai niya inarog si David na saiyang ginikanan, kundi ginibo niya an bakong matanos sa atubang nin Kagurangnan

2 Mga Cronica 28:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

2 Mga Cronica 33:9

Dinagka ni Manases na magkasala an mga banwaan nin Juda saka nin Jerusalem, kaya nagin mas makuri an kasalan na ginibo ninda ki sa kasalan kan mga nasyon na pinahale nin Kagurangnan mantang nagdadangadang an banwaan nin Israel.

An Libro ni Job 40:12

Hilinga an lambang mapaabaw-abaw, asin ibaba mo siya; timaktimakan mo an maraot sa saiyang natitindogan.

Exodo 32:25

Kan mahiling ni Moises an makasosopog na gibo kan mga tawo huli ta pinabayaan sinda ni Aaron na magin ngingisihan kan saindang mga kaiwal,

Mga Talinhaga 14:34

An katanosan nagpapadakula sa sarong nasyon, alagad an kasalan nagtatao nin kasosopgan sa arin man na banwaan.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Oseas 5:11

Naaapi an Israel; nawara an daga na sadiri niya, huli ta binoot nanggad niyang magsunod sa mga mayong ikakatabang.

Levitico 5:19

Dolot iyan nin kabayadan para sa kasalan na ginibo niya tumang sa Kagurangnan.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Deuteronomio 28:43

“Orog na magluluya an kapangyarihan nindo, mantang orog na magkokosog an kapangyarihan kan mga dayuhan na nag-eerok sa kaibahan nindo.

Kapahayagan 16:15

“Pagdangog kamo! Maabot ako siring sa sarong parahabon! Paladan an nagpupuka saka dai naghuhuba kan saiyang gubing, tanganing dai siya maglakaw na huba asin dai mapasopog sa publiko!”

1 Samuel 2:7

An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.