2 Mga Cronica 28:15 - Marahay na Bareta Biblia

¹⁵ Nagtindog an apat na lalaking nasambit dangan nagkua nin mga gubing sa sinamsam asin ginubingan an mga hubang bihag, tinawan nin sandalyas, kakanon saka inomon asin linahidan nin lana an mga lugad. An mga pinanluluya ilinunad ninda sa mga asno dangan dinara sa saindang mga kadugo sa Jerico, an syudad nin mga palma. Dangan an gabos na Israelita nagpuli sa saindang mga harong sa Samaria.

2 Mga Cronica 28:15 ပူးပေါင်းရင်းမြစ်များ

2 Mga Hade 6:22

Nagsimbag si Eliseo, “Dai mo sinda paggadanon. Gagadanon mo daw an mga nabihag mo sa ralaban? Tawe sinda nin pagkakan saka inomon, dangan pabalika sinda sa saindang hade.”

2 Mga Hade 6:23

Kaya nag-andam an hade nin Israel nin dakulang bangkete; nagkakan an mga taga Siria saka nag-inom, dangan nagbalik sinda sa saindang hade. Magpoon kaidto, dai na sinalakay kan mga taga Siria an daga nin Israel.

2 Mga Cronica 28:12

Apat sa mga lider kan Kahadean sa Amihan an nagsalungat sa ginibo kan hukbo. An mga lider na ini iyo si Azarias na aking lalaki ni Jehohanan, si Berekias na aking lalaki ni Mesillemot, si Jehizkias na aking lalaki ni Sallum asin si Amasa na aking lalaki ni Hadlai.

2 Mga Cronica 28:14

Kaya an mga bihag saka an mga sinamsam itinao kan hukbo sa mga lider asin sa bilog na katiriponan.

Nehemias 5:12

Nagsirimbag an mga lider, “Kukuyogon mi an sinabi mo. Iuuli mi an pagsadiri ninda asin dai mi na sisingilon an samong mga pautang.” Inapod ko an mga padi asin pinasumpa an mga lider sa atubang ninda tanganing otobon ninda an saindang panuga.

Isaias 58:7

Hirasan nindo nin pagkakan an mga nagugutom asin pasakaton nindo sa saindong mga harong an mga dukhang mayo nin harong. Tawan nindo nin gubing an mga mayo, asin dai kamo magsayuma sa pagtabang sa saindong mga kadugo.

Lukas 6:27

“Alagad sinasabihan ko kamong mga nagdadangog sako: kamotan nindo an saindong mga kaiwal, gibohan nindo nin marahay an mga naoongis saindo,

Lukas 8:27

Pagtungtong ni Jesus sa baybayon, sinabat siya nin sarong lalaking taga duman na may mga demonyo. An tawong ini haloy nang dai naggugubing asin dai nag-eerok sa harong kundi sa mga lungib na pinaglulubongan.

Lukas 8:35

Nagduruman an mga tawo sa paghiling kan nangyari. Nagdolok sinda ki Jesus asin nahiling ninda an lalaking dating may demonyo na nakatukaw sa pamitisan ni Jesus, nakagubing na, saka toltol na an isip. Natakot sinda gabos.

Mga Gibo 9:39

Kaya nag-iba sainda si Pedro. Pag-abot niya, dinara siya duman sa kwarto sa itaas. Tiniriponan siya kan gabos na babaeng balo na nagtatarangis; ipinahiling ninda saiya an mga bado asin mga alikboy na ginibo ni Dorcas kan buhay pa ini.

Roma 15:1

Kitang mga makosog an pagtubod dapat magtabang sa mga maluya an pagtubod, asin bakong an sadiri ta sanang karahayan an isipon ta.

Deuteronomio 34:3

an habagat na parte nin Juda; an kapatagan, na minapoon sa Zoar dangan minasagkod sa Jerico, an syudad nin mga palma.

1 Timoteo 5:10

Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

Hukom 1:16

Hale sa Jerico, an syudad nin mga palma, nagpadagos sa paglakaw an tribu ni Juda kaiba an mga Cineo na kapagarakian kan panugangan ni Moises. Nagpasiring sinda sa kalangtadan nin Juda harani sa Arad. Dangan duman sinda nag-erok kaiba an mga Amalekita.