2 Mga Cronica 28:12 - Marahay na Bareta Biblia

¹² Apat sa mga lider kan Kahadean sa Amihan an nagsalungat sa ginibo kan hukbo. An mga lider na ini iyo si Azarias na aking lalaki ni Jehohanan, si Berekias na aking lalaki ni Mesillemot, si Jehizkias na aking lalaki ni Sallum asin si Amasa na aking lalaki ni Hadlai.

2 Mga Cronica 28:12 ပူးပေါင်းရင်းမြစ်များ

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

2 Mga Cronica 28:11

Dangoga nindo ako, papulia nindo an mga binihag nindong mga kadugo tanganing dai kamo padusahan nin Kagurangnan sa saiyang kaanggotan.”

2 Mga Cronica 28:13

Nagsabi sinda, “Dai nindo pagdarahon digdi an mga bihag! Nagkasala kita sa Kagurangnan asin pinaanggot nyato siya, kaya maninigo kitang padusahan. Ngunyan boot pa nindong dagdagan an satong kasalan.”

2 Mga Cronica 28:15

Nagtindog an apat na lalaking nasambit dangan nagkua nin mga gubing sa sinamsam asin ginubingan an mga hubang bihag, tinawan nin sandalyas, kakanon saka inomon asin linahidan nin lana an mga lugad. An mga pinanluluya ilinunad ninda sa mga asno dangan dinara sa saindang mga kadugo sa Jerico, an syudad nin mga palma. Dangan an gabos na Israelita nagpuli sa saindang mga harong sa Samaria.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”