2 Mga Cronica 26:9 - Marahay na Bareta Biblia

⁹ Pinapusog niya an Jerusalem sa paagi nin pagbugtak nin mga tore duman sa Trangkahan nin Kanto, sa Trangkahan nin Kapantayan dangan duman sa pagliko kan kudal.

2 Mga Cronica 26:9 ပူးပေါင်းရင်းမြစ်များ

2 Mga Hade 14:13

Nabihag ni Jehoas si Amazias, dangan nagpasiring siya sa Jerusalem. Rinumpag niya an kudal nin Jerusalem magpoon sa Trangkahan nin Efraim sagkod sa Trangkahan nin Kanto, na minaabot sa dos syentos metros an distansya.

2 Mga Cronica 25:23

Nabihag ni Jehoas si Amazias dangan dinara ini sa Jerusalem. Rinumpag ni Jehoas an kudal nin Jerusalem magpoon sa Trangkahan nin Efraim sagkod sa Trangkahan nin Kanto, na minaabot sa dos syentos metros an distansya.

Nehemias 2:13

Banggi pa kan ako magluwas asin mag-agi sa Trangkahan nin Kapantayan na nasa solnopan dangan nagpasiring ako sa habagat sa Burabod nin Dragon sagkod sa Trangkahan nin mga Ati. Siniyasat ko an narumpag na mga kudal kan syudad asin an nasulong mga trangkahan.

Nehemias 2:15

Kaya naglugsot ako sa Kapantayan nin Kidron asin siniyasat ko an kudal. Kan magbalik ako sa syudad nag-agi giraray ako sa Trangkahan nin Kapantayan.

Nehemias 3:13

An nagtrabaho kan Trangkahan kan Kapantayan iyo si Hanun asin an mga nag-eerok sa syudad nin Zanoa. Hinirahay ninda ini, asin ibinugtak an mga trangkahan, an mga barat, saka mga bisagra. Hinirahay ninda an kudal na may labang kwatro syentos kwarenta metros sagkod sa Trangkahan nin mga Ati.

Nehemias 3:24

Si Binnui, na aking lalaki ni Henadad iyo an naghirahay kan sunod na kabtang, magpoon sa harong ni Azarias sagkod sa pagliko kan kudal.

Nehemias 3:32

An mga alahero saka an mga negosyante iyo an naghirahay kan huring kabtang, magpoon sa itaas na kwarto na nasa kanto kan kudal sagkod sa Trangkahan kan Karnero.

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Zacarias 14:10

An bilog na daga, magpoon sa Geba sa amihan sagkod sa Rimmon sa habagat, magigin sarong kapatagan. Alagad magdadanay na halangkaw an Jerusalem ki sa ibang daga sa palibot kaini; an syudad minapoon sa Trangkahan ni Benjamin sagkod sa Trangkahan sa Kanto, sa namumugtakan kaidto kan enot na trangkahan, asin minapoon sa Tore ni Hananel sagkod sa mga pugaan nin ubas kan hade.