2 Mga Cronica 26:8 - Marahay na Bareta Biblia

⁸ Nagtao nin buhis ki Uzzias an mga Ammonita, asin an saiyang ngaran nakalakop sagkod sa pagdolonan nin Egipto, huli ta siya nagin orog na mapangyari.

2 Mga Cronica 26:8 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 19:38

An ngohod nag-aki man nin lalaki na saiyang nginaranan Ben-ammi; ini an ginikanan kan mga tawo na ngunyan inaapod Ammonita.

2 Samuel 8:13

Orog na nagin bantog si David pagbalik niya hale sa panggadan nin dyes y otso mil na mga Edomita sa Kapantayan nin Asin.

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

1 Mga Hade 4:31

Siya an pinakamadonong sa gabos na tawo: mas madonong ki Etan na Ezrahita, asin ki Heman, ki Calcol saka ki Darda, na mga aking lalaki ni Mahol. Nakalakop an saiyang dangog sa gabos na nasyon sa palibot.

1 Mga Cronica 14:17

Nakalakop an kabantogan ni David sa bilog na daga, asin ginibo nin Kagurangnan na matakot saiya an gabos na nasyon.

2 Mga Cronica 17:11

Nagkapirang mga Filisteo an nagdara ki Jehosafat nin dakulang halaga nin plata saka iba pang mga regalo. Dinarahan man siya kan mga Arab nin syete mil syete syentos na karnero saka syete mil syete syentos na kanding.

2 Mga Cronica 20:1

Pakalihis nin nagkapirang panahon, nagsalakay sa Juda an mga Moabita saka mga Ammonita, kaiba an nagkapirang mga Meunita.

2 Mga Cronica 26:9

Pinapusog niya an Jerusalem sa paagi nin pagbugtak nin mga tore duman sa Trangkahan nin Kanto, sa Trangkahan nin Kapantayan dangan duman sa pagliko kan kudal.

2 Mga Cronica 27:5

Nakilaban siya sa hade kan mga Ammonita asin dinaog niya ini. Dangan pinagbotan niya an mga Ammonita na magbayad saiya nin buhis sa laog nin tolong taon. Taon-taon, ini an buhis na hinagad niya: tres mil kwatro syentos na kilo nin plata, sangribong toneladang trigo, asin sangribong toneladang sebada.

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Deuteronomio 2:19

Harani na kamo kaiyan sa daga kan mga Ammonita, na kapagarakian ni Lot. Dai nindo sinda pagribokon o kalabanon, huli ta maski sarong pedaso kan saindang daga dai ko itatao saindo; itinao ko na iyan sainda.’” (

1 Samuel 11:1

Pakalihis nin haros sarong bulan, pinangenotan ni Hadeng Nahas kan Ammon an saiyang hukbo asin sinalakay an banwaan nin Jabes sa teritoryo nin Gilead. Sinabihan si Nahas kan mga taga Jabes, “Makipagtipan ka samo, asin paglilingkodan mi ika.”