2 Mga Cronica 26:7 - Marahay na Bareta Biblia

⁷ Tinabangan siya nin Dios na madaog an mga Filisteo, an mga Arab na nag-eerok sa Gurbaal asin an mga Meunita.

2 Mga Cronica 26:7 ပူးပေါင်းရင်းမြစ်များ

1 Mga Cronica 12:18

Dangan an Espiritu nin Dios uminabot ki Amasai, na nagin pamayo kan “An Treynta,” asin nagsabi ini, “Saimo kami, O David; asin kaiba mo kami, O aki ni Jesse! an Katoninongan mapasaimo, asin sa mga nagtatabang saimo! Huli ta tinabangan ka kan saimong Dios.” Inako sinda ni David asin ginibong mga opisyal kan saiyang hukbo.

1 Mga Cronica 4:41

Kan panahon ni Hadeng Ezekias nin Juda, nagduman sa Gedor an mga lalaking ini, asin ginaba an mga tolda kan mga nag-eerok duman. Pinahale ninda an mga tawo asin nag-erok sa lugar kan mga ini, huli ta igwa duman nin marahay na dagang pasabsaban kan saindang mga hayop.

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

2 Mga Cronica 14:10

Nagluwas si Asa tanganing labanan siya, asin an duwang hukbo naghampangan sa Kapantayan nin Zefata sa Maresa.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 17:11

Nagkapirang mga Filisteo an nagdara ki Jehosafat nin dakulang halaga nin plata saka iba pang mga regalo. Dinarahan man siya kan mga Arab nin syete mil syete syentos na karnero saka syete mil syete syentos na kanding.

2 Mga Cronica 20:1

Pakalihis nin nagkapirang panahon, nagsalakay sa Juda an mga Moabita saka mga Ammonita, kaiba an nagkapirang mga Meunita.

2 Mga Cronica 21:16

Pinasabongan nin Kagurangnan na maanggot ki Jehoram an mga Filisteo saka mga Arab na nag-eerok sa lugar na harani sa mga taga Etiopia.

2 Mga Cronica 25:8

Alagad kun sa paghona mo magigin makosog ka sa gera sa paaging ini, itatao ka nin Dios sa kamot kan saimong mga kaiwal, huli ta an Dios igwa nin kapangyarihan sa pagtao nin kadaogan o kapangganahan.”

Salmo 18:29

Huli sa saimo, maroronot ko an sarong hukbo; huli sa sakong Dios, malulukso ko an saindang kudal.

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Mga Gibo 26:22

Alagad sagkod sa aldaw na ini tinabangan ako nin Dios, kaya uya ako digdi nagpapatotoo sa gabos na tawo—sadit man o dakula. Mayo ako nin ibang sinasabi kundi an mga sinabi kan mga propeta saka ni Moises na mangyayari: