2 Mga Cronica 26:5 - Marahay na Bareta Biblia

⁵ Mantang buhay pa an parahatol niya na si Zacarias, maimbod siyang naglingkod sa Kagurangnan asin pinauswag siya nin Dios.

2 Mga Cronica 26:5 ပူးပေါင်းရင်းမြစ်များ

Genesis 41:15

Sinabihan siya kan hade, “Nangatorogan ako alagad mayo nin siisay man na nakakapaliwanag kaiyan. Igwang nakasabi sako na nakakapaliwanag ka nin mga pangatorogan.”

Genesis 41:38

kaya sinabihan niya sinda, “Makakakua pa daw kita nin arog ki Jose, na igwa kan espiritu nin Dios?”

2 Mga Hade 15:34

Ginibo niya an matanos sa atubangan nin Kagurangnan siring kan ginibo kan saiyang ama na si Uzzias.

1 Mga Cronica 22:11

Nagpadagos si David, “Ngunyan, aki ko, mapasaimo logod an Kagurangnan tanganing matapos mo an pagpatugdok nin templo para sa Kagurangnan na saimong Dios, sosog sa itinaram niya manongod saimo.

1 Mga Cronica 22:13

Dangan magigin mauswag ka kun kuyogon mo an mga togon asin mga pagboot na itinao nin Kagurangnan ki Moises para sa Israel. Magmakosog ka. Dai ka matakot, ni manluya.

2 Mga Cronica 14:6

Pinapusog ni Asa an mga syudad nin Juda. Dakul na taon na dai nagkaigwa nin gera kan panahon niya huli ta itinao saiya nin Kagurangnan an katoninongan.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 24:2

Ginibo niya an matanos sa atubangan nin Kagurangnan mantang buhay pa an padi na si Jehoiada.

2 Mga Cronica 25:8

Alagad kun sa paghona mo magigin makosog ka sa gera sa paaging ini, itatao ka nin Dios sa kamot kan saimong mga kaiwal, huli ta an Dios igwa nin kapangyarihan sa pagtao nin kadaogan o kapangganahan.”

2 Mga Cronica 26:4

Ginibo niya an matanos sa atubangan nin Kagurangnan, asin inarog an gabos na ginibo kan saiyang ama na si Amazias.

2 Mga Cronica 27:6

Orog na nagin mapangyari si Jotam huli ta maimbod niyang kinuyog an Kagurangnan na saiyang Dios.

2 Mga Cronica 29:1

Beynte y singkong taon an edad ni Ezekias kan siya magin hade, asin beynte y nuebeng taon siyang naghade sa Jerusalem. An saiyang ina iyo si Abias na aki ni Zacarias.

2 Mga Cronica 32:30

An Ezekias na ini iyo an nagsulat kan agihan nin tubig na hale sa Burabod nin Gihon dangan pinabulos niya an tubig pasiring sa solnopan na parte kan Syudad ni David. Nagin mauswag si Ezekias sa gabos niyang gibo.

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 10:1

Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 2:19

Kan banggi man sanang idto, an misteryo ipinahayag ki Daniel sa sarong bisyon, asin inomaw niya an Dios nin langit:

Daniel 5:16

Alagad nadangog kong nakakatao ka nin mga paliwanag asin nakakapahayag nin mga misteryo. Kun mabasa mo ining nasusurat dangan masabi mo sako an kahulogan kaiyan, gugubingan ka nin purpura, magsusulot nin bulawan na kulintas, asin magigin ikatolo ka sa kapangyarihan sa kahadean.”

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Mga Gibo 20:30

Maabot an panahon na an nagkapira sa saindong grupo matukdo nin kaputikan, tanganing mapasunod ninda an mga paratubod.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.

Hukom 2:7

Mantang buhay pa si Josue, naglingkod sa Kagurangnan an bilog na Israel, asin maski kan magadan na siya, padagos man giraray sinda sa paglingkod mantang mga buhay pa an saindang mga lider na nakahiling kan dakulang ngangalasan na ginibo nin Kagurangnan para sa Israel.