2 Mga Cronica 26:23 - Marahay na Bareta Biblia

²³ Nagadan si Uzzias asin ilinubong sa daga kan saiyang mga ginikanan, alagad dai siya ilinubong sa lulubngan kan mga hade huli kan saiyang nakakatakot na helang sa kublit. Si Jotam na aki niyang lalaki iyo an nagsalihid saiya bilang hade.

2 Mga Cronica 26:23 ပူးပေါင်းရင်းမြစ်များ

2 Mga Cronica 21:20

Treynta y dos an edad ni Jehoram kan siya magin hade, asin walong taon siyang naghade sa Jerusalem. Mayo lamang nin nagmondo kan siya nagadan. Ilinubong siya ninda sa Syudad ni David, alagad bako sa lulubngan kan mga hade.

2 Mga Cronica 26:18

tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

2 Mga Cronica 27:1

Beynte y singko an edad ni Jotam kan siya magin hade, asin dyes y seis na taon siyang naghade sa Jerusalem. An saiyang ina iyo si Jerusa na aki ni Zadok.

2 Mga Cronica 28:27

Nagadan si Ahaz asin ilinubong sa syudad nin Jerusalem, alagad bako sa lulubngan kan mga hade. Si Ezekias na saiyang aking lalaki iyo an nagsalihid saiya bilang hade.

2 Mga Cronica 33:20

Nagadan si Manases asin ilinubong sa saiyang palasyo. Si Amon na saiyang aking lalaki iyo an nagsalihid saiya bilang hade.

Isaias 6:1

Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.