2 Mga Cronica 26:20 - Marahay na Bareta Biblia

²⁰ Nahiling ni Azarias asin kan iba pang mga padi an nakakatakot na helang sa kublit sa angog kan hade kaya pinahale tolos ninda ini sa Templo asin ini mismo naghidali pagluwas, huli ta pinadusahan siya nin Kagurangnan.

2 Mga Cronica 26:20 ပူးပေါင်းရင်းမြစ်များ

2 Mga Cronica 26:19

Yaon duman si Uzzias nagtitindog sa Templo, harani sa altar nin insenso asin may kapot na insensaryo. Naanggot siya sa mga padi, asin tolos-tolos na nagkaigwa siya nin nakakatakot na helang sa kublit sa saiyang angog.

2 Mga Cronica 26:21

Nagkaigwa nin nakakatakot na helang sa kublit si Hadeng Uzzias sagkod na siya nagadan. Dai na nanggad siya nakalaog sa Templo asin nag-erok siya sa sarong siblag na harong. Si Jotam na aki niyang lalaki iyo an namahala kan saiyang harong asin nagpadalagan kan banwaan.

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Esther 6:12

Pakatapos, nagbalik si Mardokeo sa trangkahan kan palasyo. Alagad hidaling nagpuli si Haman na igwa nin tahob an payo huli sa kasosopgan.

Levitico 13:10

na iyo an mahiling saiya. Kun igwa nin puting gatok sa saiyang kublit na nagpaputi kan mga barahibo diyan asin pano nin nana,

Levitico 14:34

an minasunod na pagsusundon manongod sa mga harong na naolakitan kan naglalakop na alamag. (An mga ini susunodon kan banwaan nin Israel pakalaog ninda sa Canaan, an daga na itatao sainda nin Kagurangnan bilang saindang pagsadiri).

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.

Deuteronomio 28:35

Papanoon nin Kagurangnan an saindong mga bitis nin makukulog asin dai nabobolong na gatok; mapapano nin gatok an saindong hawak, magpoon sa bitis sagkod sa payo.