2 Mga Cronica 26:18 - Marahay na Bareta Biblia

¹⁸ tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

2 Mga Cronica 26:18 ပူးပေါင်းရင်းမြစ်များ

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 30:7

Dai kamo mag-arog sa saindong mga ginikanan asin sa saindong mga kapwa Israelita, na dai nagin maimbod sa Kagurangnan na saindang Dios. Nahiling nindo an pagpadusa niya sainda.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mga Bilang 18:7

Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Mga Bilang 3:10

Si Aaron asin an saiyang mga aki iyo an italaga mong maglingkod bilang mga padi; an siisay pa man na maggibo kan katongdan na iyan gagadanon.”

Mateo 10:18

Iaatubang kamo sa mga gobernador asin sa mga hade dahel sako; sa paaging ini makakapagpatotoo kamo dapit kan Marahay na Bareta sa atubang ninda asin kan mga pagano.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Mateo 14:4

Sinabihan kaya ni Juan si Herodes, “Sala na agomon mo si Herodias!”

Juan 5:44

Paano kamong magtubod na nagpapaoromaw-omaw kamo asin dai nindo hinahanap an kaomawan na hale sa Dios?

1 Corinto 5:5

itao nindo an tawong iyan ki Satanas nganing laglagon an hawak niya sa ikakaligtas kan saiyang espiritu sa Aldaw nin Paghukom.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Galacia 2:11

Pag-abot ni Pedro duman sa Antiokia, sinagwe ko siya sa publiko, huli ta hayag na sala siya.

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

Santiago 2:1

Mga tugang ko, bilang paratubod sa satong Kagurangnan na si Jesu-Cristo, an Kagurangnan nin kamurawayan, dai kamo magpalaen nin tawo.

Josue 22:15

Nakaabot sinda sa Gilead, sa mga tribu ni Ruben, Gad, saka ni Manases sa sirangan.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.