2 Mga Cronica 26:16 - Marahay na Bareta Biblia

¹⁶ Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

2 Mga Cronica 26:16 ပူးပေါင်းရင်းမြစ်များ

1 Mga Hade 12:33

Kan ikakinseng aldaw kan ikawalong bulan, an aldaw na siya mismo an nagtalaan, nagduman siya sa Betel asin nagdolot nin sakripisyo sa altar sa pagselebrar kan pyesta na saiyang minukna para sa banwaan nin Israel.

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

2 Mga Hade 14:10

Naghahambog ka ngunyan, Amazias, huli ta nadaog mo an mga Edomita. Magmuraway ka sa saimong kabantogan asin mag-erok ka sa saimong harong. Tano ta naghahanap ka nin ribok na marumpag saimo kaiba an bilog na Juda?”

2 Mga Hade 15:5

Pinadusahan nin Kagurangnan si Uzzias kaya nagkaigwa siya nin nakakatakot na helang sa kublit sagkod na siya magadan. Nag-erok siya sa sarong siblag na harong. Si Jotam na aki niyang lalaki iyo an namahala kan saiyang harong asin nagpadalagan kan banwaan.

2 Mga Cronica 12:1

Kan mapatindog asin mapapusog na ni Rehoboam an saiyang kapangyarihan bilang hade, tinalikodan niya asin kan bilog na Israel an katogonan nin Kagurangnan.

2 Mga Cronica 25:19

Naghahambog ka ngunyan, Amazias, huli ta nadaog mo an mga Edomita. Alagad sinasabihan taka na magpuli ka na sa saimong harong. Tano ta naghahanap ka nin ribok na marumpag saimo kaiba an bilog na Juda?”

2 Mga Cronica 26:15

Sa Jerusalem, an saiyang mga ekspertong tawohan naggibo nin mga makina na pangpana saka pantapok nin darakulang gapo hale sa mga tore asin mga kanto kan kudal kan syudad. An saiyang kabantogan nakalakop, asin nagin orog siyang mapangyari huli ta tinabangan siya nin Dios.

2 Mga Cronica 27:2

Ginibo niya an matanos sa atubangan nin Kagurangnan siring kan ginibo kan saiyang ama na si Uzzias. Alagad dai siya naggibo kan kasalan na pagtutong nin insenso sa laog kan Templo bakong arog kan saiyang ama. An mga tawo iyo an padagos na nagkasala.

2 Mga Cronica 32:25

Alagad huli sa kapaabaw-abawan, dai lamang nagpahiling si Ezekias nin anoman na pasasalamat sa ginibo saiya nin Kagurangnan. Kaya an kaanggotan nin Kagurangnan duminatong saiya, sa Juda asin sa Jerusalem.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Daniel 11:12

Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Daniel 8:8

Orog na nagin mapaabaw-abaw an kanding, alagad kan dakula nang marahay an saiyang kapangyarihan, nabari an saiyang sungay, asin sa lugar kaiyan may nagtungang apat na sungay, na an lambang saro nakaatubang sa ibang direksyon.

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”

Mga Bilang 16:1

Nagrebelde laban sa pamamayo ni Moises si Kora na aking lalaki ni Izar na gikan sa Levitang kamaganakan ni Kohat. Nag-apil saiya an tolong lalaking gikan sa tribu ni Ruben na si Datan saka si Abiram na mga aking lalaki ni Eliab, asin si On na aking lalaki ni Pelet. Nagrebelde sinda laban ki Moises kaiba an dos syentos singkwentang mga midbid na lider kan komunidad.

Mga Bilang 16:18

Kaya kinua kan lambang saro an saiyang insensaryo dangan binugtakan nin baga saka insenso. Pakatapos, nagtindog sinda sa pintoan kan Tabernakulo kaiba si Moises saka si Aaron.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

Deuteronomio 8:17

Kaya dai nanggad kamo mag-isip na nagyaman kamo huli sa sadiri nindong kakayahan saka kosog.

Colosas 2:18

Dai magtugot na kondenaron kamo nin siisay man na nagsasabing mas halangkaw siya, huli ta nagkaigwa siya nin espesyal na bisyon, saka nagsasagin-sagin na mapakumbaba asin nagsasamba sa mga anghel. An siring na tawo, maski mayo nin dahelan, pano nin pagpapahalaga sa sadiri man sana asin pano nin kaisipan na kinabanon.