2 Mga Cronica 26:15 - Marahay na Bareta Biblia

¹⁵ Sa Jerusalem, an saiyang mga ekspertong tawohan naggibo nin mga makina na pangpana saka pantapok nin darakulang gapo hale sa mga tore asin mga kanto kan kudal kan syudad. An saiyang kabantogan nakalakop, asin nagin orog siyang mapangyari huli ta tinabangan siya nin Dios.

2 Mga Cronica 26:15 ပူးပေါင်းရင်းမြစ်များ

2 Mga Cronica 2:14

An saiyang ina kaayon sa tribu ni Dan asin an saiyang ama gikan sa Tiro. Eksperto siyang magtrabaho sa bulawan, plata, bronse, lansang, gapo, asin kahoy. Tatao siya kan trabaho sa mga telang kolor asul, purpura saka pula, asin sa pinong lino. Kaya niyang gibohon an gabos na klase nin pag-ukit asin masusunod niya an arin man na desenyo na ipapagibo saiya. Tugotan mo siyang magtrabaho kaiba kan saimong mga trabahador asin kan mga trabahador nin saimong ama na si Hadeng David.

2 Mga Cronica 2:7

Kaya padigdihon mo sako an sarong lalaking eksperto sa mga gibong bulawan, plata, bronse saka lansang, siring man sa pagtrabaho sa mga telang kolor asul, purpura saka pula. Magtatrabaho siya kaiba kan mga ekspertong trabahador sa Juda asin sa Jerusalem, na pinili kan ama kong si David.

2 Mga Cronica 26:14

An hukbo tinawan ni Uzzias nin mga kalasag, mga garod, mga helmet, mga gubing na panggera, mga pana saka mga gapo para sa lagpitaw.

2 Mga Cronica 26:16

Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

Exodo 31:4

sa pagdibuho sa bulawan, plata asin sa bronse;

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Habakkuk 1:5

Dangan nagtaram an Kagurangnan sa saiyang banwaan, “Masdan nindo an mga nasyon sa palibot nindo, asin magngangalas kamo sa saindong mahihiling. Magibo ako nin ngangalasan na dai nindo tutubodan kun ioosip sana saindo.

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Deuteronomio 20:20

Pwede nindong palodon an mga kahoy na dai kinakakan an bunga tanganing magamit nindo sa pagsalakay kan syudad, sagkod na masakop nindo iyan.