2 Mga Cronica 25:5 - Marahay na Bareta Biblia

⁵ Tinipon ni Amazias an mga lalaki sa Juda asin sa Benjamin sosog sa saindang mga kamaganakan. Nagbugtak siya nin mga opisyal na mga mamamayo nin rinibo saka mga ginatos na soldados. Kabilang digdi an mga lalaki na an edad beynteng taon paitaas, na an bilang uminabot sa tres syentos mil. Andam sinda gabos sa pakilaban, eksperto sa paggamit nin mga garod saka mga kalasag.

2 Mga Cronica 25:5 ပူးပေါင်းရင်းမြစ်များ

1 Mga Cronica 13:1

Kinaolay ni David an mga opisyal na nakakasakop nin rinibong mga tawohan asin man an mga nakakasakop nin ginatos na mga tawohan.

1 Mga Cronica 27:1

Iyo ini an lista kan mga Israelita, na pamayo nin mga pamilya, saka an mga lider nin mga kamaganakan, asin an saindang mga opisyal na nagpalakaw kan trabaho sa kahadean. Lambang bulan kan taon, igwa nin sarong grupo na namamahala; lambang grupo igwa nin beynte y kwatro mil na kaayon, na nasa irarom kan pamamahala nin sarong pamayo.

2 Mga Cronica 11:1

Kan mag-abot sa Jerusalem si Hadeng Rehoboam, tinipon niya an syento otsenta mil na mga piling soldados hale sa mga tribu nin Juda saka nin Benjamin, sa pakilaban sa mga tribu nin Israel sa amihan tanganing mapasaiya an kahadean.

2 Mga Cronica 14:7

Sinabihan ni Asa an banwaan nin Juda, “Pakosogon nyato an mga syudad asin palibotan ta nin kudal, mga bantayan, mga trangkahan saka mga barat. Sadiri pa nyato an dagang ini, huli ta kinuyog ta an kabotan kan Kagurangnan na satuyang Dios. Inataman niya kita asin tinawan nin katoninongan sa gabos na lugar.” Kaya nagtugdok sinda asin nag-uswag.

2 Mga Cronica 14:8

Si Hadeng Asa igwa nin hukbo, na an tres syentos mil gikan sa Juda, na gabos armado nin kalasag saka garod, asin an dos syentos otsenta mil gikan sa Benjamin, na gabos armado nin kalasag saka mga pana. Mga maiisog saka may kakayahan sinda gabos.

2 Mga Cronica 25:6

Laen pa kaini, nagkua pa siya nin syen mil na soldados sa Israel na tinandanan niya nin tres mil kwatro syentos kilos nin plata.

2 Mga Cronica 26:13

Sakop ninda an tres syentos syete mil, kinyentos na matitibay na soldados, na andam na makilaban para sa hade.

Exodo 18:25

Nagpili siya sa mga Israelita nin mga lalaking maninigo asin ginibo niya sindang pamayo nin mga rinibong tawo, ginatos, maningkwenta asin manampolo.

Mga Bilang 1:3

na an edad beynte paitaas, na maninigong maglingkod sa hukbo.

1 Samuel 8:12

An iba sainda gigibohon niyang mga opisyal nin sangribo katawo, saka an iba mga opisyal nin singkwenta katawo. An iba gigibohon niyang mga paraarado saka paraani; an iba magigin paragibo nin mga armas sa gera, asin mga kagamitan para sa saiyang mga karwahe.