2 Mga Cronica 25:4 - Marahay na Bareta Biblia

⁴ Alagad dai niya ipinagadan an mga aki ninda, kundi sinunod niya an pagboot nin Kagurangnan sa Katogonan ni Moises, “An mga magurang dai gagadanon para sa kasalan na ginibo kan saindang mga aki; ni an mga aki para sa kasalan na ginibo kan saindang mga magurang. An sarong tawo gagadanon sana para sa kasalan na siya nanggad an nakaginibo.”

2 Mga Cronica 25:4 ပူးပေါင်းရင်းမြစ်များ

2 Mga Cronica 25:5

Tinipon ni Amazias an mga lalaki sa Juda asin sa Benjamin sosog sa saindang mga kamaganakan. Nagbugtak siya nin mga opisyal na mga mamamayo nin rinibo saka mga ginatos na soldados. Kabilang digdi an mga lalaki na an edad beynteng taon paitaas, na an bilang uminabot sa tres syentos mil. Andam sinda gabos sa pakilaban, eksperto sa paggamit nin mga garod saka mga kalasag.

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Ezekiel 18:4

Kapot ko an buhay nin lambang tawo, an buhay kan magurang asin kan aki. An tawong nagkakasala iyo an magagadan.

Deuteronomio 24:16

“An mga magurang dai dapat paggadanon huli sa kasalan kan saindang mga aki; an mga aki dai dapat paggadanon huli sa kasalan kan saindang mga magurang. An sarong tawo gagadanon huli sa kasalan na siya nanggad an nakaginibo.