2 Mga Cronica 25:23 - Marahay na Bareta Biblia

²³ Nabihag ni Jehoas si Amazias dangan dinara ini sa Jerusalem. Rinumpag ni Jehoas an kudal nin Jerusalem magpoon sa Trangkahan nin Efraim sagkod sa Trangkahan nin Kanto, na minaabot sa dos syentos metros an distansya.

2 Mga Cronica 25:23 ပူးပေါင်းရင်းမြစ်များ

2 Mga Hade 14:13

Nabihag ni Jehoas si Amazias, dangan nagpasiring siya sa Jerusalem. Rinumpag niya an kudal nin Jerusalem magpoon sa Trangkahan nin Efraim sagkod sa Trangkahan nin Kanto, na minaabot sa dos syentos metros an distansya.

2 Mga Cronica 21:17

Sinalakay ninda an Juda, sinamsam an gabos na kagamitan sa palasyo kan hade, asin binihag an saiyang mga aki saka mga agom. Mayong aki na natada sa hade kundi si Ahazias, an saiyang ngohod na aking lalaki.

2 Mga Cronica 22:1

An matuang mga aking lalaki ni Hadeng Jehoram ginaradan kan nagkapirang mga Arab na nagsalakay sa kampo; kaya si Ahazias, na ngohod niyang aki, iyo an ginibong hade kan mga taga Jerusalem bilang kasalihid kan saiyang ama.

2 Mga Cronica 22:6

asin nagbalik siya sa syudad nin Jezreel tanganing magparahay kan saiyang mga lugad. Dinalaw siya duman ni Ahazias.

2 Mga Cronica 25:22

Nadaog an hukbo nin Juda asin nagdurulag an mga soldados pasiring sa saindang harong.

2 Mga Cronica 26:9

Pinapusog niya an Jerusalem sa paagi nin pagbugtak nin mga tore duman sa Trangkahan nin Kanto, sa Trangkahan nin Kapantayan dangan duman sa pagliko kan kudal.

2 Mga Cronica 32:5

Pinakosog kan hade an syudad sa paagi nin paghirahay kan kudal, pagtugdok nin mga tore sa ibabaw kan kudal, asin pagtugdok nin saro pang panluwas na kudal. Laen pa kaini, hinirahay man niya an mga depensa na itinugdok sa lugar na tambakan nin daga sa sirangan na parte kan lumang kabtang nin Jerusalem. Nagpagibo man siya nin dakul na armas saka mga kalasag.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

2 Mga Cronica 36:6

Sinalakay ni Hadeng Nebukadnezzar nin Babilonia an Juda, binihag si Jehoiakim, dangan nakakadenang dinara sa Babilonia.

Nehemias 12:39

Hale duman inagihan mi an Trangkahan ni Efraim, an Daan na Trangkahan, an Trangkahan nin Sira, an Tore ni Hananel, asin an Tore kan Sanggatos, dangan nagpasiring kami sa may Trangkahan kan Karnero. Nag-ontok kami sa may trangkahan pasiring sa Templo.

Nehemias 8:16

Kaya nagkurua nin mga sanga an mga tawo asin naggiribo nin mga harong-harong sa mga atop kan saindang harong, sa saindang mga patyo, sa patyo kan Templo nin Dios, sa plasa na harani sa Trangkahan nin Tubig asin sa plasa na harani sa Trangkahan nin Efraim.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”