2 Mga Cronica 25:19 - Marahay na Bareta Biblia

¹⁹ Naghahambog ka ngunyan, Amazias, huli ta nadaog mo an mga Edomita. Alagad sinasabihan taka na magpuli ka na sa saimong harong. Tano ta naghahanap ka nin ribok na marumpag saimo kaiba an bilog na Juda?”

2 Mga Cronica 25:19 ပူးပေါင်းရင်းမြစ်များ

2 Mga Cronica 25:20

Alagad habong magdangog si Amazias. Kabotan nin Dios na madaog si Amazias huli ta nagsamba ini sa mga dios-dios nin Edom.

2 Mga Cronica 26:16

Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

2 Mga Cronica 32:25

Alagad huli sa kapaabaw-abawan, dai lamang nagpahiling si Ezekias nin anoman na pasasalamat sa ginibo saiya nin Kagurangnan. Kaya an kaanggotan nin Kagurangnan duminatong saiya, sa Juda asin sa Jerusalem.

2 Mga Cronica 35:21

Alagad nagpadara nin mga sugo ki Josias si Neco na an sabi, “Tadaw ta nakikilabot ka sako, Hade nin Juda? Dai ako nagdigdi tanganing makilaban saimo, kundi sa sakong mga kaiwal asin pinapahidali ako nin Dios. Dai mo pagsalungaton an Dios na nasa kaibahan ko, ta tibaad ronoton ka niya.”

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Mga Talinhaga 18:6

An mga ngabil kan lolong nagdadara nin iriwal, asin an saiyang ngoso naghahanap nin kulog sa hawak.

Mga Talinhaga 20:3

Kaomawan para sa tawo an paglikay sa iriwal; alagad an mga lolong mag-iiriwal.

Mga Talinhaga 26:17

Arog sa tawong minatakma na sana kan talinga kan arin man na minaaging ayam an tawong nakikiaram sa problema nin iba.

Mga Talinhaga 28:25

An paslo iyo an nagigin dahelan nin iriwal, alagad an nananarig sa Kagurangnan magigin mauswag an buhay.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Daniel 11:12

Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”

Lukas 14:31

Kun may sarong hade na boot makigera sa saro man na hade, iisipon ngona niya kun kaya niyang makilaban na dyes mil sana an soldados niya tumang sa beynte mil.

1 Corinto 1:29

Kaya mayo nin siisay man na pwedeng makapagpaabaw-abaw sa atubang nin Dios.

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”