2 Mga Cronica 25:15 - Marahay na Bareta Biblia

¹⁵ Kaya naanggot an Kagurangnan ki Amazias asin nagsugo nin sarong propeta tanganing sabihan si Amazias, “Tadaw ta nagsamba ka sa mga dios-dios na dai ngani kayang magligtas kan sadiri nindang banwaan sa saimong kapangyarihan?”

2 Mga Cronica 25:15 ပူးပေါင်းရင်းမြစ်များ

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 20:37

Alagad pinatanidan si Jehosafat ni Eliezer na aking lalaki ni Dodavahu, kan banwa nin Maresa, “Huli ta nakialyansa ka ki Ahazias, raraoton nin Kagurangnan an saimong ginibo.” Kaya nagkaroronot sa dagat an mga barko asin dai nakaabot sa Tarsis.

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

2 Mga Cronica 24:20

Dangan an espiritu nin Dios nag-abot ki Zacarias na aking lalaki kan padi na si Jehoiada. Nagtindog si Zacarias sa lugar na mahihiling kan mga tawo dangan nagsabi, “Ini an tataramon nin Kagurangnan: ‘Tadaw ta tinalikodan nindo an sakuyang mga togon, pagtalikod na dai magdadara saindo nin kauswagan? Huli ta binayaan nindo ako, babayaan ko man kamo.’”

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

2 Mga Cronica 25:7

Alagad sarong propeta an nagdolok sa hade asin nagsabi, “Mahal na hade, dai mo ipag-iba an hukbo nin Israel, huli ta an Kagurangnan dai maiba sa mga lalaking ini na hale sa Kahadean sa Amihan.

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

Salmo 96:5

An mga dios kan ibang nasyon mga dios-dios sana, alagad an kalangitan linalang nin Kagurangnan.

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Jeremias 10:5

An mga dios-dios na siring kaiyan garo pantakot sa mga gamgam sa oma; dai iyan nakakataram; kaipuhan pasanon sinda huli ta dai sinda nakakalakaw. Dai kamo matakot sainda huli ta dai sinda makakagibo nin maraot, ni makakagibong marahay.”

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Jeremias 48:13

Dangan ikakasopog kan mga taga Moab si Kemos, na saindang dios-dios, arog kan ikinasopog kan mga taga Israel si Betel, an dios-dios na saindang pinagsarigan.

1 Corinto 10:20

Mayo! An sinasabi ko iyo na an anoman na idinolot sa altar nin mga pagano, atang sa mga demonyo, bakong sa Dios. Habo kong magin kahiras kamo kan mga demonyo.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

Hukom 18:24

Nagsimbag si Micas, “Tano ta naghahapot kamo kun ano an nangyari sako? Kinua nindo an sakong padi asin mga dios-dios na ginibo ko dangan nagharale kamo! Ano pa an natada sako?”

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!