2 Mga Cronica 25:14 - Marahay na Bareta Biblia

¹⁴ Pagbalik ni Amazias hale sa saiyang panggana sa mga Edomita, dinara niya an mga dios-dios kan mga ini, minidbid bilang mga dios niya, sinamba asin dinolotan nin tinutong na atang.

2 Mga Cronica 25:14 ပူးပေါင်းရင်းမြစ်များ

2 Samuel 5:21

Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

2 Mga Hade 14:8

Nagpadara si Amazias nin mga sugo sa hade nin Israel na si Jehoas na aking lalaki ni Jehoahaz asin makoapo ni Jehu, dangan ipinasabi, “Madya, asin maghampangan kita sa gera.”

2 Mga Cronica 25:13

Alagad an mga soldados na Israelita, na dai tinugotan ni Amazias na mag-iba saiya, nagsalakay sa mga syudad nin Juda magpoon sa Samaria sagkod sa Bet-horon. Nakagadan sinda nin tres mil na lalaki asin dakul an saindang nasamsam.

2 Mga Cronica 25:2

Ginibo niya an matanos sa atubangan nin Kagurangnan, alagad bako iyan tudok sa puso niya.

2 Mga Cronica 28:23

Nagdolot siya nin sakripisyo sa mga dios kan mga Siro, na nakadaog saiya, asin nagsabi, “Tinabangan kan mga dios-dios nin Siria an mga hade nin Siria, kaya kun magdolot man ako sainda nin sakripisyo, pwedeng tabangan man ninda ako.” Ini an nagdara nin karatan sa saiya asin sa bilog na Israel.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Isaias 44:15

An tawo minagamit kan sarong kabtang nin kahoy tanganing igatong asin an sarong kabtang kaiyan tanganing gibohon na rebulto. An sarong kabtang kan kahoy minamakotan niya tanganing mahimbongan siya asin tanganing makagibo nin tinapay; an sarong kabtang ginigibo niyang dios-dios dangan sinasamba iyan.

Isaias 44:19

An paragibo nin ladawan mayo nin pakasabot o kadonongan nganing magsabi, “An kabanga kan kahoy sakong iginatong sa kalayo. Nagluto ako nin tinapay asin nagdarang ako nin karne dangan kinakan ko iyan. An kabanga kan kahoy ginibo kong ladawan. Uya akong nagluluhod sa sarong kaputol na kahoy.”

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.