2 Mga Cronica 24:6 - Marahay na Bareta Biblia

⁶ kaya ipinaapod ni Joas si Jehoiada na saindang pamayo asin sinabihan, “Tano ta dai mo pinagbotan an mga Levita na kolektahon sa mga taga Juda asin Jerusalem an buhis para sa Tabernakulo, buhis na ipinagboot ni Moises, na sorogoon nin Kagurangnan?” (

2 Mga Cronica 24:6 ပူးပေါင်းရင်းမြစ်များ

2 Samuel 24:3

Alagad nagsimbag si Joab, “Gibohon logod nin Kagurangnan na saimong Dios na magdakul pa nin sanggatos na beses an bilang ngunyan kan namamanwaan sa Israel asin mahiling mo logod na ginigibo niya iyan. Alagad tadaw ta naoogma an Mahal na Hade na gibohon ini?”

2 Mga Cronica 24:9

Ibinalangibog ninda sa bilog na Juda saka Jerusalem an pagboot na an lambang saro magdara sa Kagurangnan kan buhis na ipinagboot ni Moises na sorogoon nin Dios sa mga Israelita kan yaon sinda duman sa kalangtadan.

Mga Bilang 1:50

kundi gibohon mo sindang paraataman kan Tabernakulo asin kan mga kagamitan kaini; sinda an madara kan Tabernakulo sagkod kan mga kagamitan kaiyan, maglilingkod diyan patin makampo sa palibot kaiyan.

Mga Bilang 18:2

Darahon mo an saimong mga kadugo, an tribu ni Levi, tanganing magtabang saindo mantang ika asin an saimong mga aking lalaki naglilingkod sa Tabernakulo.

Mga Gibo 7:44

“An Tolda nin pagpatotoo nasa satong mga ginikanan kaidtong yaon sinda sa kalangtadan. Ginibo an toldang ini sosog sa pagboot nin Dios ki Moises, asin sosog sa arogan na ipinahiling saiya.