2 Mga Cronica 24:27 - Marahay na Bareta Biblia

²⁷ Nasusurat sa An Komentaryo manongod sa Kasaysayan nin mga Hade an mga istorya kan mga aki ni Joas, an mga propesiya laban saiya asin kun paano niya hinirahay an Templo. Si Amazias na saiyang aki iyo an nagsalihid saiya bilang hade.

2 Mga Cronica 24:27 ပူးပေါင်းရင်းမြစ်များ

2 Mga Hade 12:18

kinua ni Hadeng Joas nin Juda an gabos na dolot na itinalaga sa Kagurangnan ni Jehosafat, Jehoram, asin Ahazias, an mga hadeng naenot saiya. Kinua man niya an sadiri niyang mga dolot asin an gabos na bulawan sa kaban nin yaman duman sa Templo saka sa palasyo, dangan ipinadara gabos ki Hadeng Hazael. Kaya dai na sinalakay ni Hadeng Hazael an Jerusalem.

2 Mga Hade 12:21

An mga opisyal na guminadan saiya iyo si Jozacar na aking lalaki ni Simeat asin si Jehozabad na aking lalaki ni Somer. Ilinubong si Joas sa lulubngan kan mga hade sa Syudad ni David. Si Amazias na saiyang aking lalaki iyo an nagsalihid saiya bilang hade.

1 Mga Cronica 3:12

aki ni Joas si Amazias, na ama ni Uzzias, na ama ni Jotam;

2 Mga Cronica 13:22

An iba pang ginibo ni Abias, an saiyang mga palakaw saka mga sinabi gabos nasusurat sa An Kasaysayan ni Iddo na Propeta.

2 Mga Cronica 16:11

An mga gibo ni Asa, poon sa kapinonan sagkod sa kataposan, gabos nasusurat sa An Kasaysayan kan mga Hade nin Juda asin nin Israel.

2 Mga Cronica 20:34

An iba pang ginibo ni Jehosafat, poon sa kapinonan sagkod sa kataposan, gabos nasusurat sa An Kasaysayan ni Jehu na Aking Lalaki ni Hanani, na kabtang kan An Kasaysayan kan mga Hade nin Israel.

2 Mga Cronica 24:12

An kwarta itinatao kan hade asin ni Jehoiada sa mga namamahala kan paghirahay kan Templo, dangan nagtandan sinda nin mga kantero, mga karpintero saka mga eksperto sa trabaho sa lansang asin bronse, tanganing hirahayon an Templo.

2 Mga Cronica 24:26

An mga nagpasaluib saiya iyo si Zabad na aking lalaki nin sarong babaeng Ammonita na an ngaran Simeat, asin si Jozabad na aking lalaki nin sarong babaeng Moabita na an ngaran Simrit.)

2 Mga Cronica 25:1

Beynte y singko an edad ni Amazias kan siya nagin hade, asin beynte y nuebeng taon siyang naghade sa Jerusalem. An saiyang ina iyo si Jehoaddin na taga Jerusalem.

2 Mga Cronica 9:29

An iba pang mga ginibo ni Solomon, magpoon sa kapinonan sagkod sa kataposan, nasusurat sa An Kasaysayan ni Natan na Propeta, asin sa An Propesiya ni Ahias kan Shilo, patin sa An mga Bisyon ni Iddo na Propeta, na nag-iistorya man kan paghahade sa Israel ni Jeroboam na aking lalaki ni Nebat.