2 Mga Cronica 24:25 - Marahay na Bareta Biblia

²⁵ Nalugadan nin makuri si Hadeng Joas asin kan magharale na an mga kaiwal, duwa sa saiyang mga opisyal an nagpasaluib saiya. Ginadan ninda si Joas sa saiyang higdaan bilang pagbalos sa pagkagadan kan aki kan padi na si Jehoiada. Ilinubong si Joas sa Syudad ni David, alagad dai siya ilinubong sa lulubngan kan mga hade. (

2 Mga Cronica 24:25 ပူးပေါင်းရင်းမြစ်များ

1 Mga Hade 15:27

Nagplano laban ki Nadab si Baasa na aking lalaki ni Ahias, na gikan sa tribu ni Issakar, asin mantang sinasalakay ni Nadab asin kan saiyang hukbo an Gibbeton sa Filistia, ginadan siya ni Baasa.

2 Mga Cronica 21:16

Pinasabongan nin Kagurangnan na maanggot ki Jehoram an mga Filisteo saka mga Arab na nag-eerok sa lugar na harani sa mga taga Etiopia.

2 Mga Cronica 22:6

asin nagbalik siya sa syudad nin Jezreel tanganing magparahay kan saiyang mga lugad. Dinalaw siya duman ni Ahazias.

2 Mga Cronica 22:9

Hinanap si Ahazias asin nakua siyang nagtatago duman sa Samaria. Dinara siya ki Jehu asin ginadan. Bilang paggalang ki Jehosafat na saiyang lolo, na tudok sa pusong naglingkod sa Kagurangnan, ilinubong ninda an bangkay ni Ahazias. Mayo nin siisay man sa pamilya ni Ahazias na pwedeng mamayo kan kahadean.

2 Mga Cronica 24:16

Ilinubong siya sa Syudad ni David, sa lulubngan kan mga hade, huli ta naggibo siya nin karahayan sa Israel, sa Dios asin sa Templo.

2 Mga Cronica 24:26

An mga nagpasaluib saiya iyo si Zabad na aking lalaki nin sarong babaeng Ammonita na an ngaran Simeat, asin si Jozabad na aking lalaki nin sarong babaeng Moabita na an ngaran Simrit.)

2 Mga Cronica 25:27

Magpoon kan magtalikod si Amazias sa Kagurangnan, padagos na nagkaigwa nin plano laban saiya duman sa Jerusalem. Nagdulag siya pasiring sa Lakis, alagad linamag siya kan saiyang mga kaiwal dangan ginadan.

2 Mga Cronica 25:3

Kan pusog na an saiyang kapangyarihan bilang hade, ipinagadan niya an mga opisyal na guminadan sa saiyang ama.

2 Mga Cronica 28:27

Nagadan si Ahaz asin ilinubong sa syudad nin Jerusalem, alagad bako sa lulubngan kan mga hade. Si Ezekias na saiyang aking lalaki iyo an nagsalihid saiya bilang hade.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”