2 Mga Cronica 24:13 - Marahay na Bareta Biblia

¹³ Nagtrabaho nin maigot an gabos, asin an Templo pinapusog ninda siring sa dating kamugtakan kaini.

2 Mga Cronica 24:13 ပူးပေါင်းရင်းမြစ်များ

1 Mga Cronica 22:5

Nagsaboot si David, “An Templo na ipapatugdok para sa Kagurangnan kaipuhan magayon, bantog asin igagalang sa bilog na kinaban. Alagad hoben pa si Solomon na sakuyang aking lalaki, saka mayo pa nin naaaraman; kaya aandamon ko na an mga kaipuhan para sa Templo.” Kaya bago nagadan si David, inandam na niya an dakul na mga kagamitan para sa Templo.

2 Mga Cronica 24:12

An kwarta itinatao kan hade asin ni Jehoiada sa mga namamahala kan paghirahay kan Templo, dangan nagtandan sinda nin mga kantero, mga karpintero saka mga eksperto sa trabaho sa lansang asin bronse, tanganing hirahayon an Templo.

2 Mga Cronica 24:14

Kan tapos na an trabaho, dinara ninda sa hade asin ki Jehoiada an natadang bulawan saka plata dangan an mga ini ginibo nindang mga mangko asin iba pang mga kagamitan para sa Templo. Mantang buhay pa si Jehoiada, padagos an pagdolot nin mga tinutong na atang sa Templo nin Kagurangnan.

Nehemias 4:7

Naanggot nin makuri si Sanballat, si Tobias, asin an mga Arab, mga Ammonita, saka an mga Asdodita kan madangog ninda na padagos an paghirahay mi kan mga kudal nin Jerusalem asin na nagkasurulat mi na an mga labot kaini.

Exodo 36:4

Kaya nagduman ki Moises an mga ekspertong trabahador

Hageo 2:3

“Siisay sa saindo an nakahiling kan dating kagayonan kan Templong ini? Ano an paghiling nindo kaini ngunyan? Bako daw na mas marahay kun mayo na sana?