2 Mga Cronica 24:12 - Marahay na Bareta Biblia

¹² An kwarta itinatao kan hade asin ni Jehoiada sa mga namamahala kan paghirahay kan Templo, dangan nagtandan sinda nin mga kantero, mga karpintero saka mga eksperto sa trabaho sa lansang asin bronse, tanganing hirahayon an Templo.

2 Mga Cronica 24:12 ပူးပေါင်းရင်းမြစ်များ

2 Samuel 5:11

Nagpadara nin mga sugo ki David si Hiram na hade nin Tiro; nagpadara siya nin mga kahoy na sedro, siring man mga karpintero asin mga kantero na nagtugdok kan palasyo ni David.

1 Mga Hade 5:15

Igwa man si Solomon nin otsenta mil katawong paratabas nin gapo sa kabubuldan, saka setenta mil katawong parapasan kan mga gapo.

2 Mga Cronica 24:11

Aroaldaw, an kahon dinadara kan mga Levita sa opisyal kan hade na namamahala kaini. Kun nahihiling ninda na pano na an kahon, minadolok an sekretaryo kan hade saka an opisyal kan Halangkaw na Padi asin hinahale ninda an kwarta sa kahon. Dangan ibinabalik ninda an kahon sa dating namumugtakan kaini. Kaya dakulang halaga nin kwarta an saindang natipon.

2 Mga Cronica 24:13

Nagtrabaho nin maigot an gabos, asin an Templo pinapusog ninda siring sa dating kamugtakan kaini.

2 Mga Cronica 24:27

Nasusurat sa An Komentaryo manongod sa Kasaysayan nin mga Hade an mga istorya kan mga aki ni Joas, an mga propesiya laban saiya asin kun paano niya hinirahay an Templo. Si Amazias na saiyang aki iyo an nagsalihid saiya bilang hade.

2 Mga Cronica 34:8

Kan ikadyes y otsong taon nin saiyang paghahade, pakatapos na malinigan niya an daga asin an Templo sa paagi kan pag-ontok kan pagsamba sa mga dios-dios, nagsugo si Josias nin tolong lalaki tanganing hirahayon an Templo nin Kagurangnan na saiyang Dios. An mga lalaking ini iyo si Safan na aking lalaki ni Azalias, si Maaseias na gobernador nin Jerusalem saka si Joa na aking lalaki ni Joahaz, na sarong halangkaw na opisyal.