2 Mga Cronica 24:11 - Marahay na Bareta Biblia

¹¹ Aroaldaw, an kahon dinadara kan mga Levita sa opisyal kan hade na namamahala kaini. Kun nahihiling ninda na pano na an kahon, minadolok an sekretaryo kan hade saka an opisyal kan Halangkaw na Padi asin hinahale ninda an kwarta sa kahon. Dangan ibinabalik ninda an kahon sa dating namumugtakan kaini. Kaya dakulang halaga nin kwarta an saindang natipon.

2 Mga Cronica 24:11 ပူးပေါင်းရင်းမြစ်များ

2 Mga Cronica 24:10

Naogma an banwaan asin an saindang mga lider. Dinara ninda an saindang buhis dangan ihinulog sa kahon sagkod na napano idto.

2 Mga Cronica 24:12

An kwarta itinatao kan hade asin ni Jehoiada sa mga namamahala kan paghirahay kan Templo, dangan nagtandan sinda nin mga kantero, mga karpintero saka mga eksperto sa trabaho sa lansang asin bronse, tanganing hirahayon an Templo.

1 Corinto 16:2

Sa enot na aldaw kan lambang semana, an lambang saro saindo kaipuhan na maglaen nin kantidad, sosog sa saiyang hinanapan; damoton niya iyan, tanganing pag-abot ko diyan dai na kaipuhan pang mangolekta.