2 Mga Cronica 24:10 - Marahay na Bareta Biblia

¹⁰ Naogma an banwaan asin an saindang mga lider. Dinara ninda an saindang buhis dangan ihinulog sa kahon sagkod na napano idto.

2 Mga Cronica 24:10 ပူးပေါင်းရင်းမြစ်များ

1 Mga Cronica 29:9

Tudok sa boot na nagtarao nin dolot an banwaan; naogma sinda huli ta dakul an idinolot sa Kagurangnan. Nag-ogma man nin marahay an hade na si David.

2 Mga Cronica 24:11

Aroaldaw, an kahon dinadara kan mga Levita sa opisyal kan hade na namamahala kaini. Kun nahihiling ninda na pano na an kahon, minadolok an sekretaryo kan hade saka an opisyal kan Halangkaw na Padi asin hinahale ninda an kwarta sa kahon. Dangan ibinabalik ninda an kahon sa dating namumugtakan kaini. Kaya dakulang halaga nin kwarta an saindang natipon.

2 Mga Cronica 24:9

Ibinalangibog ninda sa bilog na Juda saka Jerusalem an pagboot na an lambang saro magdara sa Kagurangnan kan buhis na ipinagboot ni Moises na sorogoon nin Dios sa mga Israelita kan yaon sinda duman sa kalangtadan.

Isaias 64:5

Inaako mo an mga tawong nakakakua nin kaogmahan sa paggibo kan tama, sa mga naggigiromdom kun paano mo boot sindang mamuhay. Naanggot ka samo, alagad nagpadagos kami sa pagkakasala; poon pa kaidtong panahon nagpadagos kami sa paggibo kan maraot maski anggot ka nin marahay.

2 Corinto 8:2

Binalo sinda nin makuri kan mga kasakitan na saindang inagihan; alagad an saindang kaogmahan orog kadakula, mala ta orog logod sindang nagin matinao, maski sinda mga daing sukat.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.