2 Mga Cronica 23:3 - Marahay na Bareta Biblia

³ Nagtiripon sinda gabos sa Templo asin nakipagtipan ki Joas, na aking lalaki kan hade. Sinabihan sinda ni Jehoiada, “Uya an aking lalaki kan hade! Siya na an magigin hade, siring sa panuga nin Kagurangnan manongod sa kapagarakian ni David.

2 Mga Cronica 23:3 ပူးပေါင်းရင်းမြစ်များ

2 Samuel 5:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sainda sa atubangan nin Kagurangnan, asin linahidan ninda si David bilang hade nin Israel.

2 Samuel 7:12

Kun ika magadan dangan ilubong sa kaibahan kan saimong mga ginikanan, gigibohon kong hade an saro kan saimong mga aking lalaki asin papakosogon ko an saiyang kahadean.

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

1 Mga Hade 2:4

Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

1 Mga Hade 9:5

papatindogon ko sagkod pa man sa Israel an saimong kahadean, siring kan sakong panuga sa saimong ama kan taraman ko siyang, ‘Dai ka mahahalean nin kapagarakian na matukaw sa trono nin Israel.’

2 Mga Hade 11:17

Nakipagtipan si Jehoiada sa Kagurangnan dangan sa hade asin sa banwaan, na sinda gabos iyo an magigin banwaan nin Kagurangnan; nakipagtipan man siya sa hade saka sa banwaan.

1 Mga Cronica 11:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sa sainda sa atubangan nin Kagurangnan, asin linahidan ninda si David bilang hade nin Israel, siring sa ipinanuga nin Kagurangnan sa paagi ni Samuel.

2 Mga Cronica 21:7

alagad habong tunawon nin Kagurangnan an kapagarakian ni David, huli kan tipan na ginibo niya ki David asin huli kan panuga niya na magdadanay sa paghahade an saiyang kapagarakian.

2 Mga Cronica 23:16

Nakipagtipan si Jehoiada sa hade saka sa mga tawo na sinda gabos iyo an magigin banwaan nin Kagurangnan.

2 Mga Cronica 6:16

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

2 Mga Cronica 7:18

papatindogon ko an saimong kahadean, siring kan sakong panuga sa saimong ama kan taraman ko siyang, ‘An Israel danay na paghahadean kan saimong kapagarakian.’

Salmo 89:29

Papadanayon ko an saiyang kapagarakian nin mga hade sagkod lamang; an saiyang kahadean magdadanay siring sa kalangitan.

Salmo 89:36

An saiyang kapagarakian nin mga hade magdadanay sagkod lamang; babantayan ko an saiyang kahadean sagkod na nagliliwanag an aldaw.