2 Mga Cronica 23:20 - Marahay na Bareta Biblia

²⁰ Dangan kaiba an mga opisyal kan hukbo, an mga ginagalangan na tawo kan banwaan, an mga gobernador asin an bilog na banwaan. Dinara ninda an hade hale sa Templo, pasiring sa palasyo. Duman sinda nag-agi sa itaas na trangkahan. Dangan pinatukaw ninda an hade sa trono.

2 Mga Cronica 23:20 ပူးပေါင်းရင်းမြစ်များ

2 Mga Hade 11:19

Dangan kaiba an mga opisyal kan hukbo, an mga bantay kan hade, an mga bantay kan palasyo, asin an bilog na banwaan dinara ni Jehoiada an hade hale sa Templo pasiring sa palasyo. Duman sinda nag-agi sa Trangkahan nin Bantay, dangan nagtukaw si Joas sa saiyang trono.

2 Mga Hade 15:35

Alagad dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman. Ipinatugdok niya an Trangkahan sa Amihan kan Templo.

1 Mga Cronica 29:23

Kaya nagtukaw si Solomon sa trono nin Kagurangnan bilang hade na kasalihid kan saiyang ama. Nagin mauswag siya asin nagkuyog saiya an bilog na Israel.