2 Mga Cronica 23:18 - Marahay na Bareta Biblia

¹⁸ An mga padi asin an mga Levita iyo an ginibo ni Jehoiada na parapamahala kan trabaho sa Templo. Katongdan ninda na kuyogon an pagboot ni Hadeng David asin magdolot nin mga tinutong na atang sa Kagurangnan, sosog sa nasusurat sa Katogonan ni Moises. Sinda man an parapamahala kan musika asin kan mga selebrasyon.

2 Mga Cronica 23:18 ပူးပေါင်းရင်းမြစ်များ

1 Mga Cronica 23:25

Nagsabi si David, “Tinawan nin Kagurangnan, an Dios nin Israel, nin katoninongan an saiyang banwaan; mag-erok siya sa Jerusalem sagkod lamang.

2 Mga Cronica 29:25

Kinuyog kan hade an mga pagboot nin Kagurangnan na itinao ki Hadeng David sa paagi ni Gad, na propeta kan hade, asin sa paagi kan propeta na si Natan; nagbugtak siya nin mga Levita sa Templo, na may mga gimbal, mga arpa saka mga lira,

2 Mga Cronica 29:27

Dangan nagboot si Hadeng Ezekias na idolot sa altar an mga tinutong na atang. Pagpoon kan pagdolot, nag-awit nin pag-omaw sa Kagurangnan an mga tawo, kasabay an tanog kan mga trompeta asin kan ibang mga instrumento nin musika.

2 Mga Cronica 29:30

An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

2 Mga Cronica 30:27

Dangan hinagad sa Kagurangnan kan mga padi asin kan mga Levita na bendisyonan an banwaan. Sa langit na saiyang erokan nadangog dangan inako nin Dios an saindang pamibi.

2 Mga Cronica 35:2

Itinao niya sa mga padi an saindang mga katongdan sa Templo, asin sinadol niya sinda na pakarahayon an saindang paglingkod.

2 Mga Cronica 5:5

saka dinara sa Templo. Dinara man kan mga padi asin kan mga Levita an Tabernakulo saka an gabos na banal na kagamitan sa Tabernakulo.

2 Mga Cronica 7:6

Nagtirindog an mga padi sa lugar na ipinanongod sainda, asin nakatindog na atubang sainda an mga Levita, na nag-omaw sa Kagurangnan sa paagi kan saindang mga instrumento dangan inawit ninda an imnong, “An Saiyang Pagkamoot Mayo Nin Kataposan,” sosog sa ipinagibo sainda ni David. Pinatanog kan mga padi an mga trompeta mantang nakatindog an gabos na tawo.

Esdras 6:22

Sa laog nin pitong aldaw, maogmang pinagselebrar ninda an Pyesta kan Tinapay na Mayo nin Lebadura. Maogma sinda huli ta ginibo nin Kagurangnan na mawilihan sinda kan emperador nin Asiria, tanganing tabangan sinda sa pagtugdok giraray kan Templo kan Dios nin Israel.