2 Mga Cronica 23:13 - Marahay na Bareta Biblia

¹³ Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 23:13 ပူးပေါင်းရင်းမြစ်များ

2 Mga Hade 11:14

Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

2 Mga Hade 9:13

Kaya hinuba kan mga opisyal an saindang alikboy asin biniklad sa ibabaw kan hagdan tanganing tindogan ni Jehu. Pinatanog ninda an mga trompeta asin nagkurahaw, “Si Jehu iyo an hade!”

2 Mga Hade 9:23

“Kapasaluiban ini, Ahazias!” an kurahaw ni Joram. Ibinalik ni Joram an saiyang karwahe asin duminulag.

1 Mga Cronica 12:40

Hale pa sa hararayong mga tribu ni Issakar, Zabulon, asin Neftali, nag-abot an mga tawo na may darang mga asno, kamelyo, mula, asin baka na gabos may lunad na pagkakan—mga arina, higera, pasas, arak asin lana, nin oliba. Nagdara man sinda nin mga baka asin mga karnero na bubunoon asin kakanon. An gabos na ini tanda kan kaogmahan na namatean kan bilog na Israel.

1 Mga Cronica 15:27

Gubing na purong lino an sulot ni David; siring man an gubing kan mga paratugtog, ni Kenanias na parapamahala kan mga paratugtog asin kan mga Levita na nagdadara kan Kaban nin Tipan. Nakasulot si David nin efod na lino.

2 Mga Cronica 23:12

Kan madangog ni Atalia an ribok kan mga tawo na nagdadalagan saka nag-oomaw sa hade, nagduman siya sa Templo, sa pinagtiriponan kan mga tawo.

2 Mga Cronica 23:14

Habo ni Jehoiada na gadanon si Atalia sa laog kan Templo kaya inapod niya an mga kapitan kan hukbo dangan sinabihan, “Isiblag siya sa grupo kan mga bantay asin gadanon nindo an siisay man na maghingowang magligtas saiya.”

2 Mga Cronica 34:31

Nagtindog an hade sa saiyang lugar asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro.

Salmo 14:5

Alagad sinda gabos magkakatarakot, huli ta kaibahan nin Dios an mga matanos.

Mga Talinhaga 11:10

Nag-oogma an syudad kun an matanos nagkakaigwa nin marahay na palad, asin nagkakaigwa nin maogmang mga kinurahaw kun nagagadan an maraot.

Mga Talinhaga 29:2

Kun an matanos iyo an nagkakapot kan kapangyarihan, nag-oogma an banwaan; alagad kun an maraot iyo an namamayo, nag-aagrangay an katawohan.

Parahulit 9:12

Dai aram kan tawo an saiyang panahon. Siring na an sira nadadakop sa hikot, siring na an gamgam nadadakop sa litag, siring man an tawo nadadakop sa mga maraot na panahon, kun kasuarin dai ninda pinaglalaoman.

Ezekiel 46:2

Hale sa patyong nasa luwas, an prinsipe malaog sa dakulang kwarto sa may trangkahan, dangan matindog sa may harigi kan trangkahan, mantang an mga padi nagdodolot kan mga tinutong na atang saka mga atang para sa katoninongan. Duman siya sa may trangkahan masamba dangan maluwas; alagad an trangkahan dai seserahan sagkod magbanggi.

Hukom 7:8

Kaya pinapuli ni Gideon an gabos na Israelita alagad itinada niya an tres syentos na nagsaldok kan tubig asin nag-inom sa saindang kamot. Ipinawalat man niya an gabos na kagamitan asin an mga trompeta. An kampo kan mga Midianita yaon sa kapantayan, sa ibaba kan namumugtakan ninda.