2 Mga Cronica 23:1 - Marahay na Bareta Biblia

¹ Alagad pag-abot kan ikapitong taon, pinakosog ni Jehoiada an saiyang boot asin nakipagtipan siya sa limang opisyal kan hukbo na iyo si Azarias na aking lalaki ni Jeroham, si Ismael na aking lalaki ni Jehohanan, si Azarias na aking lalaki ni Obed, si Maaseias na aking lalaki ni Adaias, saka si Elisafat na aking lalaki ni Zikri.

2 Mga Cronica 23:1 ပူးပေါင်းရင်းမြစ်များ

2 Mga Hade 12:7

Kaya ipinaapod ni Joas si Jehoiada saka an ibang padi. Hinapot niya sinda, “Tano ta dai nindo hinihirahay an Templo? Magpoon ngunyan dai na nindo sasarayon an kwarta na inaako nindo; kaipuhan mamugtak iyan sa paghirahay kan Templo.”

2 Mga Cronica 15:12

Naggibo sinda nin tipan, saen nanumpa sinda na sasambahon an Kagurangnan, an Dios kan saindang mga ginikanan, sa bilog nindang puso asin kalag.

2 Mga Cronica 22:12

Nagtago an aki sa laog nin anom na taon, mantang si Atalia an namayo bilang reyna.

Nehemias 9:38

Huli kan mga nangyaring ini, kami, an banwaan nin Israel, minagibo nin sarong masasarigan na nasusurat na tipan, na pipirmahan kan samong mga lider, kan samong mga Levita, saka samong mga padi.

Exodo 6:21

Tolo an aking lalaki ni Izar: si Kora, Nefeg, asin Zikri.

1 Samuel 18:3

Nagsumpa si Jonatan kan saiyang daing tapos na pakikitood ki David huli ta namotan niya si David siring kan pagkamoot niya sa saiyang sadiri.