2 Mga Cronica 22:9 - Marahay na Bareta Biblia

⁹ Hinanap si Ahazias asin nakua siyang nagtatago duman sa Samaria. Dinara siya ki Jehu asin ginadan. Bilang paggalang ki Jehosafat na saiyang lolo, na tudok sa pusong naglingkod sa Kagurangnan, ilinubong ninda an bangkay ni Ahazias. Mayo nin siisay man sa pamilya ni Ahazias na pwedeng mamayo kan kahadean.

2 Mga Cronica 22:9 ပူးပေါင်းရင်းမြစ်များ

1 Mga Hade 13:21

asin sinabihan niya an propetang gikan sa Juda, “An Kagurangnan nagtataram na dai mo siya kinuyog asin dai mo ginibo an saiyang pagboot.

1 Mga Hade 14:13

Pagmomondoan siya kan bilog na Israel asin ilulubong ninda siya. Sa pamilya ni Jeroboam, siya sana an ilulubong nin maninigo, huli ta siya sana an nawiwilihan nin Kagurangnan, an Dios nin Israel.

2 Mga Hade 9:34

naglaog sa palasyo, dangan nagkakan. Pakatapos, nagsabi siya, “Kuaha nindo an minaldisyon na babaeng idto asin ilubong huli ta aki siya nin hade.”

2 Mga Cronica 19:3

Alagad maski siring, igwa man nin nakuang karahayan saimo, huli ta hinarale mo an mga simbolo ni Asera asin hiningowa mong magsunod sa kabotan nin Dios.”

2 Mga Cronica 21:17

Sinalakay ninda an Juda, sinamsam an gabos na kagamitan sa palasyo kan hade, asin binihag an saiyang mga aki saka mga agom. Mayong aki na natada sa hade kundi si Ahazias, an saiyang ngohod na aking lalaki.

2 Mga Cronica 21:20

Treynta y dos an edad ni Jehoram kan siya magin hade, asin walong taon siyang naghade sa Jerusalem. Mayo lamang nin nagmondo kan siya nagadan. Ilinubong siya ninda sa Syudad ni David, alagad bako sa lulubngan kan mga hade.

2 Mga Cronica 21:4

Kan nakatukaw na sa trono nin saiyang ama si Jehoram, ipinagadan niya an gabos niyang tugang asin an nagkapirang mga opisyal nin Israel.

2 Mga Cronica 22:8

Mantang kinukuyog ni Jehu an sentensya nin Dios sa pamilya ni Ahab, nanumpongan niya an mga lider nin Juda asin an mga sobrino ni Ahazias na nag-iriba digdi sa pagdalaw ki Joram. Ginadan sinda gabos ni Jehu.

2 Mga Cronica 24:25

Nalugadan nin makuri si Hadeng Joas asin kan magharale na an mga kaiwal, duwa sa saiyang mga opisyal an nagpasaluib saiya. Ginadan ninda si Joas sa saiyang higdaan bilang pagbalos sa pagkagadan kan aki kan padi na si Jehoiada. Ilinubong si Joas sa Syudad ni David, alagad dai siya ilinubong sa lulubngan kan mga hade. (

2 Mga Cronica 25:27

Magpoon kan magtalikod si Amazias sa Kagurangnan, padagos na nagkaigwa nin plano laban saiya duman sa Jerusalem. Nagdulag siya pasiring sa Lakis, alagad linamag siya kan saiyang mga kaiwal dangan ginadan.

2 Mga Cronica 33:24

Pinasaluiban si Amon kan saiyang mga opisyal asin ginadan duman sa palasyo.

Jeremias 29:13

Mahanap kamo sako asin makukua nindo ako, huli ta bilog na puso nindo akong hahanapon.