2 Mga Cronica 22:5 - Marahay na Bareta Biblia

⁵ Sa pagsunod sa saindang hatol, inibahan niya si Joram nin Israel sa pakigera ki Hazael na hade nin Siria. Duman sa Ramot-gilead nagralaban an mga hukbo. Nalugadan si Joram,

2 Mga Cronica 22:5 ပူးပေါင်းရင်းမြစ်များ

1 Mga Hade 22:3

Naghapot si Ahab sa mga opisyal niya, “Tadaw ta mayo kita nin ginigibong anoman tanganing mabawi an Ramot-gilead sa hade nin Siria? Sadiri ta iyan!”

1 Mga Hade 4:13

Ben-geber: an syudad nin Ramot sa Gilead, asin an mga baryo sa Gilead na pagsadiri kan kamaganakan ni Jair, na aking lalaki ni Manases, asin an rehiyon nin Argob sa Basan; sesentang darakulang banwa na nakukudal asin igwa nin mga bronseng barat an mga trangkahan

2 Mga Hade 3:1

Kan ikadyes y otsong taon kan paghahade ni Jehosafat nin Juda, nagin hade nin Israel si Joram na aking lalaki ni Ahab, asin doseng taon siyang naghade sa Samaria.

2 Mga Hade 8:9

Kaya kinargahan ni Hazael an kwarentang kamelyo nin manlaen-laen na produkto kan Damasco asin nagduman ki Eliseo. Kan nasa atubangan na ni Eliseo si Hazael, nagsabi ini, “Sinugo ako kan saimong sorogoon na si Hadeng Ben-hadad tanganing hapoton ka kun mararahay pa siya sa saiyang helang o dai na.”

2 Mga Hade 9:1

Inapod ni Eliseo an saro kan mga hoben na propeta asin sinabihan, “Mag-andam ka asin magduman ka sa Ramot-gilead. Darahon mo ining sarong dulay na lana nin oliba.

2 Mga Cronica 18:3

Naghapot si Ahab ki Jehosafat na hade nin Juda, “Maiba ka sako sa pagsalakay sa Ramot-gilead?” Nagsimbag si Jehosafat, “Andam ako kun andam ka asin siring man an sakong mga soldados. Maiba kami saimo sa pakigera.”

2 Mga Cronica 18:31

Kaya kan mahiling ninda si Jehosafat, nagsaboot sinda na siya na an hade nin Israel. Nagbirik sinda tanganing salakayon siya, alagad nagkurahaw si Jehosafat. Tinabangan siya nin Kagurangnan asin pinaontok an pagsalakay saiya kan mga kaiwal, huli

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 22:6

asin nagbalik siya sa syudad nin Jezreel tanganing magparahay kan saiyang mga lugad. Dinalaw siya duman ni Ahazias.

Salmo 1:1

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

Daniel 5:22

“Alagad ika, Belsazzar, na saiyang aki, dai nagpakumbaba maski aram mo an gabos na ini,

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”