2 Mga Cronica 21:7 - Marahay na Bareta Biblia

⁷ alagad habong tunawon nin Kagurangnan an kapagarakian ni David, huli kan tipan na ginibo niya ki David asin huli kan panuga niya na magdadanay sa paghahade an saiyang kapagarakian.

2 Mga Cronica 21:7 ပူးပေါင်းရင်းမြစ်များ

2 Samuel 21:17

Alagad tinabangan si David ni Abisai na aking lalaki ni Zeruias, sinalakay an higante, asin ginadan. Dangan pinasumpa si David kan saiyang mga tawohan na, “Dai ka na nanggad mag-iba samo sa pakilaban. Ika an paglaom nin Israel, asin habo ming mawara ka.”

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

1 Mga Hade 15:4

Alagad huli ki David, tinawan siya nin Kagurangnan, na saiyang Dios, nin aking lalaki na masalihid saiya sa paghade sa Jerusalem asin tanganing danay na mapapusog an Jerusalem.

2 Mga Hade 8:19

Alagad habong tunawon nin Kagurangnan an Juda huli kan tipan na ginibo niya ki David asin huli kan panuga niya na magdadanay sa paghahade an kapagarakian.

2 Mga Hade 8:24

Nagadan si Jehoram asin ilinubong sa lulubngan nin mga hade sa Syudad ni David. Si Ahazias na aki niyang lalaki iyo an nagsalihid saiya bilang hade.

2 Mga Cronica 22:11

Igwa si Ahazias nin tugang na babae na an ngaran Jehosheba, na agom nin sarong padi na an ngaran Jehoiada. Hilom na ilinigtas ni Jehosheba si Joas, saro sa mga aking lalaki ni Ahazias. Isiniblag niya si Joas sa iba pang mga aki kan hade na gagaradanon na kan oras na idto dangan itinago kaiba an sarong paraaling duman sa sarong kwartong torogan sa Templo. Huli kan pagtatago ni Jehosheba ki Joas nakaligtas ini sa kagadanan sa kamot ni Atalia.

2 Mga Cronica 23:3

Nagtiripon sinda gabos sa Templo asin nakipagtipan ki Joas, na aking lalaki kan hade. Sinabihan sinda ni Jehoiada, “Uya an aking lalaki kan hade! Siya na an magigin hade, siring sa panuga nin Kagurangnan manongod sa kapagarakian ni David.

2 Mga Cronica 6:16

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

Salmo 132:11

Sarong panuga an ginibo mo ki David panuga na dai mo babawion: “Saro sa mga aki mo an gigibohon kong hade; siya maghahade bilang kasalihid mo.

Salmo 89:39

Linapas mo an tipan sa saimong sorogoon; an saiyang korona itinapok mo sa laboy.

Lukas 1:69

Nagpadara siya sato nin sarong mapangyaring Paraligtas, sarong gikan ki David na saiyang sorogoon.

Lukas 1:79

nganing maliwanagan an mga nasa kadikloman asin nasa anino nin kagadanan, nganing giyahan kita sa dalan nin katoninongan.”