2 Mga Cronica 21:20 - Marahay na Bareta Biblia

²⁰ Treynta y dos an edad ni Jehoram kan siya magin hade, asin walong taon siyang naghade sa Jerusalem. Mayo lamang nin nagmondo kan siya nagadan. Ilinubong siya ninda sa Syudad ni David, alagad bako sa lulubngan kan mga hade.

2 Mga Cronica 21:20 ပူးပေါင်းရင်းမြစ်များ

2 Mga Hade 8:24

Nagadan si Jehoram asin ilinubong sa lulubngan nin mga hade sa Syudad ni David. Si Ahazias na aki niyang lalaki iyo an nagsalihid saiya bilang hade.

2 Mga Cronica 23:21

Nag-ogma an gabos na tawo; nagin matoninong an syudad pakagadan ni Atalia.

2 Mga Cronica 24:16

Ilinubong siya sa Syudad ni David, sa lulubngan kan mga hade, huli ta naggibo siya nin karahayan sa Israel, sa Dios asin sa Templo.

2 Mga Cronica 24:25

Nalugadan nin makuri si Hadeng Joas asin kan magharale na an mga kaiwal, duwa sa saiyang mga opisyal an nagpasaluib saiya. Ginadan ninda si Joas sa saiyang higdaan bilang pagbalos sa pagkagadan kan aki kan padi na si Jehoiada. Ilinubong si Joas sa Syudad ni David, alagad dai siya ilinubong sa lulubngan kan mga hade. (

2 Mga Cronica 26:23

Nagadan si Uzzias asin ilinubong sa daga kan saiyang mga ginikanan, alagad dai siya ilinubong sa lulubngan kan mga hade huli kan saiyang nakakatakot na helang sa kublit. Si Jotam na aki niyang lalaki iyo an nagsalihid saiya bilang hade.

2 Mga Cronica 28:26

An iba pang ginibo ni Hadeng Ahaz, poon sa kapinonan sagkod sa kataposan, gabos nasusurat sa An Kasaysayan kan mga Hade nin Juda asin nin Israel.

2 Mga Cronica 28:27

Nagadan si Ahaz asin ilinubong sa syudad nin Jerusalem, alagad bako sa lulubngan kan mga hade. Si Ezekias na saiyang aking lalaki iyo an nagsalihid saiya bilang hade.

2 Mga Cronica 33:20

Nagadan si Manases asin ilinubong sa saiyang palasyo. Si Amon na saiyang aking lalaki iyo an nagsalihid saiya bilang hade.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Jeremias 22:18

Kaya nagsasabi an Kagurangnan manongod ki Jehoiakim na aking lalaki ni Josias, na hade nin Juda: “Mayo nin magmomondo sa saiyang pagkagadan ni masabi, ‘O sakong tugang. O sakong tugang! Mayo nin magtatangis para saiya ni makurahaw, ‘Sakong kagurangnan! Sakong hade!’

Jeremias 22:28

Nagsabi ako, “Arog daw sa sarong pasang tapayan, na isinikwal, itinapok saka dai nagustohan nin siisay man si Hadeng Jehoiakin? Tadaw ta itinapok siya saka an saiyang mga aki sa sarong daga na dai ninda aram?”