2 Mga Cronica 21:17 - Marahay na Bareta Biblia

¹⁷ Sinalakay ninda an Juda, sinamsam an gabos na kagamitan sa palasyo kan hade, asin binihag an saiyang mga aki saka mga agom. Mayong aki na natada sa hade kundi si Ahazias, an saiyang ngohod na aking lalaki.

2 Mga Cronica 21:17 ပူးပေါင်းရင်းမြစ်များ

2 Mga Hade 10:13

nasabat niya an nagkapirang kadugo ni Hadeng Ahazias nin Juda. Hinapot niya sinda, “Siisay kamo?” Nagsimbag sinda, “Mga kadugo kami ni Ahazias. Pasiring kami sa Jezreel tanganing dalawon an mga prinsipe saka an mga aking lalaki kan inang reyna.”

2 Mga Cronica 22:1

An matuang mga aking lalaki ni Hadeng Jehoram ginaradan kan nagkapirang mga Arab na nagsalakay sa kampo; kaya si Ahazias, na ngohod niyang aki, iyo an ginibong hade kan mga taga Jerusalem bilang kasalihid kan saiyang ama.

2 Mga Cronica 22:6

asin nagbalik siya sa syudad nin Jezreel tanganing magparahay kan saiyang mga lugad. Dinalaw siya duman ni Ahazias.

2 Mga Cronica 24:7

An Templo linaog kan mga parasunod ni Atalia, an tampalasan na babae, asin dakul sa mga kagamitan sa Templo an ginamit ninda sa pagsamba ki Baal.)

2 Mga Cronica 25:23

Nabihag ni Jehoas si Amazias dangan dinara ini sa Jerusalem. Rinumpag ni Jehoas an kudal nin Jerusalem magpoon sa Trangkahan nin Efraim sagkod sa Trangkahan nin Kanto, na minaabot sa dos syentos metros an distansya.

Joel 3:5

Kinua nindo an sakong plata saka bulawan dangan an sakong kayamanan dinara nindo sa saindong mga templo.

Amos 1:6

Nagtataram an Kagurangnan, “Paulit-ulit na nagkasala an mga taga Gaza, asin huli kaiyan, papadusahan ko sinda. Dinara ninda an sarong bilog na nasyon dangan ipinabakal bilang mga oripon sa mga taga Edom.