2 Mga Cronica 21:13 - Marahay na Bareta Biblia

¹³ kundi inarog mo an maraot na ginibo kan mga hade nin Israel asin pinangenotan mo an mga banwaan nin Juda saka nin Jerusalem sa pagsombikal sako, siring na an Israel pinangenotan ni Ahab asin kan saiyang mga kasalihid sa pagsombikal sako patin ginadan mo an saimong mga tugang na lalaki na mas marahay ki sa saimo,

2 Mga Cronica 21:13 ပူးပေါင်းရင်းမြစ်များ

1 Mga Hade 16:25

Orog an nagin kasalan ni Omri sa Kagurangnan ki sa arin man kan mga naenot saiya.

2 Mga Hade 9:22

Hinapot ni Joram si Jehu, “Katoninongan an katuyohan mo, Jehu?” Nagsimbag si Jehu, “Magkakaigwa daw nin katoninongan mantang pinapadanay kan ina mong si Jezebel an saiyang marigsok na pagsamba sa mga dios-dios asin pangkukulam?”

2 Mga Cronica 21:11

Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

2 Mga Cronica 21:14

kaya papadarahan ko nin makatakot na peste an saimong banwaan, an saimong mga aki saka mga agom, patin an gabos mong pagsadiri.

2 Mga Cronica 21:4

Kan nakatukaw na sa trono nin saiyang ama si Jehoram, ipinagadan niya an gabos niyang tugang asin an nagkapirang mga opisyal nin Israel.

2 Mga Cronica 21:6

Inarog niya an maraot na ginibo ni Hadeng Ahab asin kan iba pang hade nin Israel, huli ta naagom niya an sarong aking babae ni Ahab. Ginibo niya an maraot sa atubangan kan Kagurangnan,

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

Exodo 34:15

Dai kamo makipagtipan sa mga nag-eerok sa daga huli ta sa pagsamba ninda kan saindang mga paganong dios-dios dangan sa pagsakripisyo sa sainda, iimbitaran ninda kamong makisumaro sa sainda asin masusugotan kamong kumakan kan mga idinolot ninda sa saindang mga dios-dios;

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Habakkuk 2:12

Herak man saindo na nagmukna nin sarong syudad sa paagi nin krimen asin nagpatindog kaiyan huli sa panggagadan!

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

1 Juan 3:12

Dai ta pag-arogon si Cain; sadiri siya kan Maraot, asin ginadan niya an saiyang tugang. Tadaw ta ginadan ni Cain an saiyang tugang na si Abel? Huli ta an mga gibo ni Cain maraot, alagad an mga gibo kan saiyang tugang matanos.