2 Mga Cronica 21:11 - Marahay na Bareta Biblia

¹¹ Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

2 Mga Cronica 21:11 ပူးပေါင်းရင်းမြစ်များ

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 14:9

Dinaog mo sa paggibo nin karatan an mga naenot nang naghade saimo. Isinikwal mo ako asin pinaanggot huli sa paggibo mo nin mga dios-dios asin mga ladawan na metal tanganing pagsambahon.

2 Mga Hade 21:11

“Ginibo ni Manases na hade nin Juda an makauuyam na mga bagay na ini, mga bagay na mas maraot ki sa mga ginibo kan mga Cananeo; asin huli kan saiyang mga dios-dios pinapagkasala niya an banwaan nin Juda.

2 Mga Hade 9:22

Hinapot ni Joram si Jehu, “Katoninongan an katuyohan mo, Jehu?” Nagsimbag si Jehu, “Magkakaigwa daw nin katoninongan mantang pinapadanay kan ina mong si Jezebel an saiyang marigsok na pagsamba sa mga dios-dios asin pangkukulam?”

2 Mga Cronica 21:10

Poon kaidto sagkod ngunyan, nagin sarong siblag na nasyon sa Juda an Edom. Kan panahon man na ini, nagrebelde man sa Juda an Libna, huli ta tinalikodan ni Jehoram an Kagurangnan na Dios kan saiyang mga ginikanan.

2 Mga Cronica 21:13

kundi inarog mo an maraot na ginibo kan mga hade nin Israel asin pinangenotan mo an mga banwaan nin Juda saka nin Jerusalem sa pagsombikal sako, siring na an Israel pinangenotan ni Ahab asin kan saiyang mga kasalihid sa pagsombikal sako patin ginadan mo an saimong mga tugang na lalaki na mas marahay ki sa saimo,

2 Mga Cronica 33:9

Dinagka ni Manases na magkasala an mga banwaan nin Juda saka nin Jerusalem, kaya nagin mas makuri an kasalan na ginibo ninda ki sa kasalan kan mga nasyon na pinahale nin Kagurangnan mantang nagdadangadang an banwaan nin Israel.

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 23:11

“Maski nahiling ini gabos kan tugang niyang si Oholiba, orog pa ining nagin marompot saka maraot ki sa saiya.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Levitico 20:5

ako mismo an mapadusa saiya asin sa saiyang pamilya patin sa gabos na nakisumaro saiya sa pagtalikod sako tanganing sambahon si Molec. Dai ko sinda ibibilang na kaayon sa sakuyang banwaan.

Habakkuk 2:15

Herak man saindo na nagsopog kan saindong mga kapwa sa saindong kaanggotan; pinapasayasay nindo sinda na garo mga burat.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.