2 Mga Cronica 21:10 - Marahay na Bareta Biblia

¹⁰ Poon kaidto sagkod ngunyan, nagin sarong siblag na nasyon sa Juda an Edom. Kan panahon man na ini, nagrebelde man sa Juda an Libna, huli ta tinalikodan ni Jehoram an Kagurangnan na Dios kan saiyang mga ginikanan.

2 Mga Cronica 21:10 ပူးပေါင်းရင်းမြစ်များ

1 Mga Hade 11:31

Sinabihan niya si Jeroboam, “Kuaha an sampolong pedaso, huli ta nagtataram saimo an Kagurangnan, an Dios nin Israel, ‘Hahaleon ko ki Solomon an kahadean, asin itatao ko saimo an sampolong tribu.

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

2 Mga Hade 19:8

Naaraman kan Rabsake na naghale sa Lakis an emperador asin nakikilaban sa Libna; kaya nagduman siya tanganing makihumapot saiya.

2 Mga Cronica 13:10

“Alagad para samo, an Kagurangnan iyo an samuyang Dios asin dai kami nagtalikod saiya. An naglilingkod sa Kagurangnan bilang mga padi iyo an mga aki ni Aaron asin an mga Levita an nagtatabang sainda.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 21:11

Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

2 Mga Cronica 21:8

Sa panahon na ini kan paghahade ni Jehoram, nagrebelde an Edom laban sa Juda asin nagbugtak man nin sadiri nindang hade.

2 Mga Cronica 21:9

Kaya nagluwas si Jehoram kaiba an saiyang mga opisyal na nakalunad sa mga karwahe dangan sinalakay an Edom. Pinalibotan sinda duman kan mga Edomita, alagad pagkabanggi nakalusot sinda asin nakadulag.

Isaias 1:28

Alagad sarabay na roronoton nin Kagurangnan an mga rebelde saka an mga makasalan asin an mga nagtalikod saiya magkakagaradan.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Josue 10:29

Paghale sa Makkeda sinalakay ni Josue asin kan saiyang hukbo an Libna.

Josue 21:13

Laen pa kan Hebron (saro kan mga syudad na pailihan), itinao man sa mga kapagarakian kan pading si Aaron an mga syudad na ini: an Libna,

Hukom 10:13

Alagad binayaan nindo ako asin sinamba nindo an ibang dios, kaya dai ko na kamo ililigtas.