2 Mga Cronica 20:6 - Marahay na Bareta Biblia

⁶ asin namibi, “O Kagurangnan, Dios nin samuyang mga ginikanan, ika an Dios sa langit na naghahade kan gabos na kahadean sa kinaban! Nasa saimong kamot an kosog asin kapangyarihan, kaya mayo nin makakatumang saimo.

2 Mga Cronica 20:6 ပူးပေါင်းရင်းမြစ်များ

1 Mga Hade 8:23

asin namibi, “O Kagurangnan, Dios nin Israel, mayo nin Dios na arog saimo sa langit asin sa daga! Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

1 Mga Hade 8:30

Hinanyoga an saimong sorogoon asin an saimong banwaan sa Israel sa panahon na mamibi kamong arubang sa lugar na ini. Hinanyoga kami hale sa saimong erokan sa langit asin patawada kami.

1 Mga Cronica 29:18

O Kagurangnan, Dios nin samong mga ginikanan na si Abraham, si Isaac asin si Jacob, papagdanaya an siring na mga katuyohan asin mga kaisipan sa puso nin saimong banwaan, dangan giboha sindang maimbod saimo.

2 Mga Cronica 20:5

Sinda asin an gabos na taga Jerusalem nagtiripon sa bagong patyo kan Templo nin Kagurangnan. Nagtindog si Jehosafat sa atubangan kan gabos

2 Mga Cronica 25:8

Alagad kun sa paghona mo magigin makosog ka sa gera sa paaging ini, itatao ka nin Dios sa kamot kan saimong mga kaiwal, huli ta an Dios igwa nin kapangyarihan sa pagtao nin kadaogan o kapangganahan.”

2 Mga Cronica 6:14

Namibi siya, “Kagurangnan, Dios nin Israel, mayo nin Dios na arog saimo sa langit asin sa daga. Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 115:3

An samong Dios yaon sa kalangitan, ginigibo niya an anoman na saiyang magustohan.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 47:2

Huli ta an Kagurangnan, an Kahorohalangkawe, kinatatakotan, dakulang hade sa bilog na kinaban.

Salmo 47:8

An Dios nagtutukaw sa saiyang banal na trono; siya naghahade sa mga nasyon.

Salmo 54:1

Ligtasan ako, O Dios, huli kan saimong ngaran; tawe ako nin katanosan huli kan saimong kosog!

Salmo 62:11

Sobra sa sarong beses nadangog kong nagtaram an Dios na saiya sana an kapangyarihan

Exodo 3:6

Ako an Dios nin saimong mga magurang, an Dios ni Abraham, ni Isaac, asin ni Jacob.” Kaya tinahoban ni Moises an saiyang lalawogon huli ta natakot siyang maghiling sa Dios.

Isaias 14:27

Totoong gigibohon ini nin Kagurangnan nin mga hukbo; inunat na niya an saiyang takyag sa pagpadusa, asin mayo nin siisay man na makakapaontok saiya.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 49:19

Arog sa sarong leon na minaluwas sa kadlagan kan Jordan asin minapasiring sa berdeng dagang pasabsaban, maabot ako dangan bigla kong papadulagon an mga taga Edom hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Mateo 6:13

Hare kami pabayae na madaog nin sogot, alagad agawon mo kami sa maraot.’

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Mga Gibo 11:17

Kaya kun tinawan nin Dios an mga pagano kan parehong regalo na itinao sato kan magtubod kita ki Jesu-Cristo na Kagurangnan, siisay man ako na maolang sa Dios?”

Roma 9:19

Alagad masabi ka sako, “Kun totoo ini, tadaw ta an tawo an sinasala nin Dios? Huli ta siisay an makakasalungat sa kabotan nin Dios?”

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Josue 2:11

Pagkadangog mi kaini, nagkatarakot kami; nawaraan kami nin isog huli saindo. An Kagurangnan na saindong Dios, iyo an Dios sa langit asin sa daga.