2 Mga Cronica 20:27 - Marahay na Bareta Biblia

²⁷ Si Jehosafat asin an saiyang hukbo maogmang nagbalik sa Jerusalem, huli ta dinaog nin Kagurangnan an saindang mga kaiwal.

2 Mga Cronica 20:27 ပူးပေါင်းရင်းမြစ်များ

2 Mga Cronica 20:26

Kan ikaapat na aldaw, nagtiripon sinda sa Kapantayan nin Beraca dangan nag-omaw sa Kagurangnan; kaya sagkod ngunyan an lugar na idto inaapod “Beraca”.

2 Mga Cronica 20:28

Pag-abot ninda sa syudad, nagduman sinda sa Templo nin Kagurangnan mantang nagtutugtog nin mga arpa, lira, saka mga trompeta.

Nehemias 12:43

Kan aldaw na idto, nagdolot sinda nin mga sakripisyo asin nag-ogma huli ta tinawan sinda nin Dios nin labi-labing kaogmahan. Nag-ogma man an mga babae asin an mga aki. An ribok kan saindang pag-ogma nadangog maski sa harayong lugar.

Salmo 20:5

Maogmang magkurahaw logod kita sa saimong panggana, asin sa ngaran kan satong Dios patindogon ta an satong mga bandera! Simbagon logod nin Kagurangnan an gabos mong kahagadan!

Salmo 30:1

Oomawon taka, Kagurangnan, huli ta ilinigtas mo ako asin dai mo itinugot na pagngisihan ako kan sakong mga kaiwal.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Ezekiel 46:10

Paglaog kan mga tawo, malaog man kaiba ninda an prinsipe, dangan kun magruluwas na man an mga tawo maluwas man siya kaiba ninda.

Mikas 2:13

An Dios iyo an mabukas nin agihan para sainda dangan mahale sa sainda sa pagkatapokan. Maruluwas sinda sa mga trangkahan kan syudad asin magigin talingkas. An saindang hade, an Kagurangnan mismo, iyo an mangengenot sainda paluwas.

Hebreyo 6:20

Huli sato linaog ni Jesus an kabanal-banaleng lugar sa pangenot sato, asin siya nagin halangkaw na padi sagkod pa man, sosog sa orden ni Melkisedek.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

1 Samuel 2:1

Namibi si Hanna: “An sakong puso nag-oogma sa Kagurangnan; maogma ako huli kan saiyang ginibohan! Mga kaiwal sakong ngingisihan; maogma akong marahay huli kan saiyang tabang!