2 Mga Cronica 20:25 - Marahay na Bareta Biblia

²⁵ Nagdolok si Jehosafat asin an saiyang hukbo tanganing samsaman an mga kaiwal. Nakakua sinda nin dakul na baka, mga kagamitan, mga gubing asin iba pang mahalagang mga bagay. Inabot sinda nin tolong aldaw sa panamsam alagad dai ninda naubos huli ta dakul nin marahay.

2 Mga Cronica 20:25 ပူးပေါင်းရင်းမြစ်များ

2 Mga Cronica 20:24

Kan an mga taga Juda magduman sa sarong toreng bantayan duman sa kalangtadan, tinanaw ninda an mga hukbo kan kaiwal asin nahiling nindang gadan na an gabos asin an mga bangkay nagkahurutad sa daga; mayo nin siisay man na nakadulag.

2 Mga Cronica 20:26

Kan ikaapat na aldaw, nagtiripon sinda sa Kapantayan nin Beraca dangan nag-omaw sa Kagurangnan; kaya sagkod ngunyan an lugar na idto inaapod “Beraca”.

Salmo 68:12

“Nagdurulag an mga hade asin an saindang mga hukbo!” Sa harong binaranga kan mga babae an mga sinamsam:

Exodo 3:22

An lambang babaeng Israelita mahagad nin gubing, alahas na plata asin bulawan sa saiyang mga kataed o sa mga Egipciong nag-eerok sa saiyang harong. Isusulot ninda iyan sa saindang mga aki, kaya madadara ninda an kayamanan kan mga Egipcio.”

Mga Talinhaga 3:15

An kadonongan mas mahalaga ki sa mga alahas, asin an ano man na saimong mawoton dai pwedeng ipantay diyan.

Zacarias 14:14

Makikilaban an mga taga Juda tanganing surogon an Jerusalem. Dangan titiponon ninda an kayamanan kan gabos na nasyon—bulawan, plata, asin gubing na kadakul nin marahay.

Mga Bilang 31:15

Sinabihan sinda ni Moises, “Tano ta dai nindo ginadan an mga babae?

Mga Bilang 31:53

An mga bakong opisyal dai nagtarao kan saindang sinamsam.

Roma 8:37

Dai! An gabos na ini madadaog ta huli ki Cristo, na namoot sato!

Josue 11:14

Sinamsam kan mga Israelita an mga mahalagang kagamitan saka an mga hayop sa mga syudad na idto para sa sainda. Alagad ginadan ninda an mga tawo; mayo sindang itinadang buhay.