2 Mga Cronica 20:21 - Marahay na Bareta Biblia

²¹ Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

2 Mga Cronica 20:21 ပူးပေါင်းရင်းမြစ်များ

1 Mga Cronica 16:29

Itao sa Kagurangnan an kamurawayan na maninigo sa saiyang ngaran; magdara nin dolot asin magdolok sa saiya! Sambahon nindo an Kagurangnan sa saiyang pagdatong.

1 Mga Cronica 16:34

Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran.

1 Mga Cronica 16:41

Magigin kaiba ninda si Heman, si Jedutun saka an iba pang tawo na piniling magpasalamat sa Kagurangnan huli ta an saiyang pagkamoot dai nin kataposan.

2 Mga Cronica 30:21

Pitong aldaw na maogmang pinagselebrar kan mga tawo na nagtiripon sa Jerusalem an Pyesta kan Tinapay na mayo nin Lebadura. Sa bilog na kosog, aroaldaw na nag-omaw sa Kagurangnan an mga Levita saka mga padi.

2 Mga Cronica 7:3

Kan mahiling kan bilog na Israel an kalayo na naghilig hale sa langit asin an kamurawayan nin Kagurangnan na nakapano sa Templo, nagdapa sinda, nagsamba saka nagpasalamat sa Kagurangnan, huli kan saiyang pagkamarahayon asin pagkamoot na daing kataposan.

2 Mga Cronica 7:6

Nagtirindog an mga padi sa lugar na ipinanongod sainda, asin nakatindog na atubang sainda an mga Levita, na nag-omaw sa Kagurangnan sa paagi kan saindang mga instrumento dangan inawit ninda an imnong, “An Saiyang Pagkamoot Mayo Nin Kataposan,” sosog sa ipinagibo sainda ni David. Pinatanog kan mga padi an mga trompeta mantang nakatindog an gabos na tawo.

Nehemias 12:27

Kan ikonsagra an kudal kan syudad nin Jerusalem, ipinaapod an gabos na Levita sa manlaen-laen na lugar na saindang pinag-eerokan tanganing makaiba sa selebrasyon na pano nin kaogmahan asin pasasalamat, kaiba an mga awit sa tanog nin mga gimbal, mga arpa, saka mga lira.

Salmo 106:1

Omawon an Kagurangnan! Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran!

Salmo 107:1

“Magpasalamat kamo sa Kagurangnan, huli ta siya marahayon; huli ta an saiyang pagkamoot mayo nin kasagkoran!”

Salmo 18:4

Napalibotan ako kan mga pisi nin kagadanan; duminagsa sako an mga alon nin pagkaraot.

Salmo 29:2

Itao sa Kagurangnan an kamurawayan nin saiyang ngaran; sambahon an Kagurangnan sa saiyang pagdatong.

Salmo 50:2

An Dios nagliliwanag hale sa Sion, an syudad na tunay na ladawan nin kagayonan.

Salmo 90:17

Kagurangnan nyamong Dios, mapasamuya an saimong mga biyaya; pauswaga an gabos ming mga gibo.

Salmo 96:9

Sambahon nindo an Kagurangnan sa saiyang pagdatong; magtakig sa saiyang atubang an bilog na kinaban!

Mga Talinhaga 11:14

Marurumpag an sarong nasyon kun mayo nin pagsusundon. An dakul na parahatol nangangahulogan nin katiwasayan.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”