2 Mga Cronica 20:20 - Marahay na Bareta Biblia

²⁰ Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

2 Mga Cronica 20:20 ပူးပေါင်းရင်းမြစ်များ

2 Samuel 14:2

kaya ipinaapod niya an sarong madonong na babae na nag-eerok sa Tekoa. Pag-abot kan babae, sinabihan siya ni Joab, “Magsagin-sagin kang nagmomondo; magsulot ka kan saimong gubing na pangmondo, asin dai mo pagsukrayon an saimong buhok. Magsagin-sagin kang sarong babaeng halawig na panahon nang nagmomondo para sa gadan;

1 Mga Cronica 4:5

Si Asur, na ama ni Tekoa, nagkaigwa nin duwang agom na iyo si Hela asin Naara.

2 Mga Cronica 11:6

an Betlehem, Etam, Tekoa,

2 Mga Cronica 20:19

An mga Levita na kaayon sa mga kamaganakan ni Kohat saka ni Kora nagtirindog saka nagkurahaw nin makosog sa pag-omaw sa Kagurangnan, an Dios nin Israel.

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Exodo 14:31

Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Isaias 26:3

Ika, Kagurangnan, an nagtatao nin katoninongan sa mga tawong danay na pusog an katuyohan asin nananarig sa saimo.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Jeremias 38:20

Nagsabi ako, “Dai ka itatao sainda. Nakikimaherak ako na sunodon mo an mensahe nin Kagurangnan asin mapapakarhay ka saka dai magagadan.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Daniel 6:23

Naogma nin marahay an hade asin nagboot na hawason si Daniel sa kalot. Kaya hinawas ninda si Daniel asin nahiling nindang dai man lamang siya nalugadan, huli ta nagsarig siya sa Dios.

Lukas 16:31

Sinabihan siya ni Abraham, ‘Kun dai sinda magdangog ki Moises asin sa mga propeta, dai man sinda matubod maski pa may mabuhay liwat sa mga gadan.’”

Juan 11:40

Alagad sinabihan siya ni Jesus, “Bakong sinabihan taka, na kun magtubod ka, mahihiling mo an kamurawayan nin Dios?”

Juan 13:20

Sa katotoohan sinasabihan ko kamo, an minaako sa sinugo ko, minaako sako; asin an minaako sako, minaako sa nagsugo sako.”

Juan 14:1

Sinabihan sinda ni Jesus, “Dai kamo maghadit. Magtubod kamo sa Dios, magtubod man kamo sako.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Hebreyo 11:6

Alagad an siisay man na mayo nin pagtubod, dai makakapaogma sa Dios. Huli ta an siisay man na minadolok sa Dios dapat magtubod na igwa nin Dios na nagtatao nin marahay na balos sa mga naghahanap saiya.