2 Mga Cronica 20:2 - Marahay na Bareta Biblia

² Nagkapirang sugo an nag-abot asin nagsabi ki Jehosafat, “Sarong dakulang hukbo na hale sa Edom an nagdadangadang hale sa ibong kan Gadan na Dagat sa pagsalakay saimo; yaon na sinda sa Hazazon-tamar.” (Saro pang ngaran ini kan Engedi.)

2 Mga Cronica 20:2 ပူးပေါင်းရင်းမြစ်များ

Genesis 14:3

Pinagsararo kan limang hadeng ini an saindang mga hukbo duman sa Kapantayan nin Siddim na ngunyan iyo na an Gadan na Dagat.

Genesis 14:7

Dangan nagbalik sinda asin nagduman sa Enmispat (o Kades) saka nasakop ninda an gabos na daga kan mga Amalekita asin dinaog ninda an mga Amoreo na nag-eerok sa Hazazon-tamar.

Awit nin mga Awit 1:14

Siring sa mga burak sa kaomahan an sakong namomotan, na namumurak sa mga ubasan sa Engedi.

Ezekiel 47:10

Magpoon sa Mga Sapa nin Engedi sagkod sa Mga Sapa nin Eneglaim, igwa nin mga parasira na matirindog sa baybayon kan dagat, asin bibikladon ninda an saindang mga hikot. An mga sapang iyan magkakaigwa nin manlaen-laen na klase nin sira, siring kadakul kan mga sira sa Dagat nin Mediteraneo.

Ezekiel 47:19

“An pagdolonan sa habagat mapoon sa Tamar dangan mapasiring sa habagat-solnopan sa Meribat-Kades; dangan mapasiring sa amihan-solnopan, mamamaybay sa Sapa nin Egipto sagkod sa Dagat nin Mediteraneo.

Ezekiel 48:28

An pagdolonan sa habagat kan daga ni Gad mapoon sa Tamar asin masagkod sa Meribat-Kades mantang an pagdolonan sa habagat mapoon sa kasagkoran kan Egipto asin masagkod sa Dagat nin Mediteraneo.

Mga Bilang 34:12

dangan mapahabagat na sinususog an Salog nin Jordan sagkod sa Gadan na Dagat. “An mga ini iyo an apat na pagdolonan kan saindong daga.”

Josue 15:62

Nibsan, an Syudad nin Asin, saka an Engedi: anom na syudad gabos, kaiba an mga banwa sa palibot kan mga iyan.

Josue 3:16

nag-ontok sa pagbulos an tubig asin nagtambak sa harayong lugar, duman sa Adam, an syudad na kataed kan Zaretan. Nag-ontok sa pagbulos paibaba an tubig na pasiring sa Gadan na Dagat, asin nakabalyo harani sa Jerico an mga tawo.

1 Samuel 23:29

Naghale duman si David asin nag-erok sa rehiyon nin Engedi.