2 Mga Cronica 20:17 - Marahay na Bareta Biblia

¹⁷ Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

2 Mga Cronica 20:17 ပူးပေါင်းရင်းမြစ်များ

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 20:16

Salakayon nindo sinda sa aga mantang nagtutukad sinda sa Tukadon nin Ziz. Manunumpongan nindo sinda sa poro kan kapantayan, sa sirangan na parte kan kalangtadan nin Jeruel.

2 Mga Cronica 32:7

“Magmakosog kamo saka magmaisog. Dai kamo matakot sa emperador nin Asiria asin sa bilog na hukbo na kaiba niya, huli ta kaiba ta an sarong mas dakula ki sa kaibahan niya.

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Isaias 30:15

Ini an tataramon kan Kagurangnan Dios, an banal na Dios nin Israel, “Sa pagbalik saka sa pagpahingalo makakaligtas kamo; sa dai paggirong asin sa pagsarig magkakaigwa kamo nin kosog.” Alagad habo nindong gibohon ini!

Isaias 30:7

An tabang na itinatao nin Egipto mayo nin kamugtakan. Kaya nginaranan ko an Egipto nin ‘An Dragon na Dai Naghihiro sa Pakatukaw.’”

Isaias 37:6

itinao niya saiya an simbag na ini: “An Kagurangnan nagsasabi na dai ka matakot huli kan mga tataramon kan mga taga Asiria na dai kamo ililigtas nin Kagurangnan.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Mga Panambitan 3:26

Kaya marahay para sa sato an maghalat na may pakatios— an maghalat sa saiya tanganing iligtas kita—

Amos 5:14

Giboha nindo an matanos asin bakong an maraot, tanganing mabuhay kamo. Dangan tunay na masasakaibahan nindo an Kagurangnan, an Dios nin mga hukbo, siring sa sinasabi nindo.

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 3:22

Dai ka matakot sa sainda, huli ta makikilaban para saimo an Kagurangnan na saimong Dios.’

2 Timoteo 4:22

Mapasaimong espiritu an Kagurangnan. An biyaya nin Dios mapasaindo gabos.

Hukom 7:21

Dai sinda nagharale sa saindang natitindogan sa palibot kan kampo, asin an bilog na hukbo kan saindang kaiwal nagdaralagan na nagkukurahaw.

1 Samuel 17:47

Mahihiling kan gabos na uya digdi na nagliligtas an Kagurangnan bako sa paagi nin espada o garod. Mapanggana siya sa gera, asin ibubugtak niya kamo gabos sa samong mga kamot.”